Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
‘Perlemoen-koning’ sterf in sluipmoordaanval

’n Man wat algemeen as Kaapstad se suidelike voorstede se perlemoen-koning beskou is, is in Schaapkraal naby Mitchells Plain in ’n sluipmoordaanval dood.

Die voorval het Dinsdag omstreeks 19:30 in Weltevredenweg, oorkant die stalle van die SA Turf Klub plaasgevind.

Volgens inligting is Leon Titus (51) van Zeekoeivlei en Patrick de Kock (50) se lyke in Titus se silwer Toyota Hilux-bakkie gevind. Hulle het veelvuldige skietwonde gehad. Bronne sê dat Titus, wat glo ook bande met die 28-bende het, glo onlangs ’n uitval met een van die bende se leiers gehad het.

Titus is oorspronklik van Strandfontein.

Die polisie het glo 13 patroondoppies op die toneel opgetel.

Bronne sê die polisie ondersoek die moontlikheid dat die sluipmoord bendeverwant of taxiverwant kan wees.

Titus en De Kock was ook glo minute voordat hulle vermoor is, in gesprek met mense in ’n silwer Toyota.

Die insittendes van die Toyota het glo kort daarna op Titus-hulle losgebrand. Niemand is nog in hegtenis geneem nie.

Leon Titus (51) van Zeekoeivlei en Patrick de Kock (50), se lyke is in Titus se silwer Toyota Hilux-bakkie gevind. Foto: Verskaf
Meer oor:  Sluipmoordaanval
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.