Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Plaasaanvallers slaan 3de keer in 5 dae in VS toe

’n Plaaswerker van Petrus Steyn, Mdesheni Radebe (34), het die soveelste slagoffer die afgelope tyd van ’n plaasaanval geword toe hy Woensdag omstreeks 02:00 in sy huis aangeval en beroof is.

Die huis is op die plaas Swartfontein, by die Ramaela-plaasskool.

Brig. Motantsi Makhele, polisiewoordvoerder, sê twee mans het Radebe met ’n pistool aangehou en hom van sy motor, kontant en kruideniersware beroof.

Die motor, ’n bruin Toyota Corolla, is Woensdag sowat 15 km buite Petrus Steyn gevind waar die twee rowers dit langs die pad gelos het.

Die aanval op Radebe volg op ’n mislukte plaasaanval by Verkykerskop op Magdaleen Brits verlede Vrydag.

Maandagmiddag is nog ’n vrou, Tyla Jankielsohn, buite Marquard by haar plaashek ingewag en aangeval.

Jankielsohn kon terugbaklei en in haar bakkie wegjaag.

Vyf mans van Mosambiek het Dinsdag op Warden in die hof verskyn in verband met die aanval op Brits.

Intussen is boere van Petrus Steyn ontevrede omdat ’n man, Papi Mofokeng, Maandag op borgtog vrygelaat is nadat hy in verband met ’n plaasaanval in Augustus vanjaar in hegtenis geneem is.

Dié aanval was in dieselfde gebied op ’n plaas tussen Reitz en Petrus Steyn.

Weroeske de Wet (17) het een van die aanvallers met die vuis bygedam en kon weghardloop en op haar selfoon hulp ontbied.

Die mans, wat met die De Wet-gesin se motor gevlug het, het dit ’n ent verder langs die pad gelos.

Mofokeng is verlede week in verband met die aanval in hegtenis geneem, maar is Maandag op borgtog vrygelaat.

’n Vermeende plaasmoordenaar, Jacob Makoena, is op 29 Oktober op borgtog vrygelaat. Makoena word daarvan verdink dat hy Jan de Kock (69) ses jaar gelede buite Petrus Steyn vermoor het.

Hoewel Mokoena ses jaar lank die gereg kon ontduik, is hy op borgtog van R3 000 vrygelaat.

https://www.netwerk24.com/Nuus/Misdaad/plaasmeisie-slaan-aanvaller-katswink-20200819

https://www.netwerk24.com/Nuus/Misdaad/tawwe-broerskind-van-da-leier-in-vs-verwilder-aanvallers-20201201

Meer oor:  Plaasaanval
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.