Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Polisie sê gruwelike detail oor Hartswater-moorde is vals

Vals gerugte oor hoe die Brand-gesin van Hartswater afgryslik vermoor is, is Donderdag op sosiale media versprei.

Dié ongegronde beweringe oor hoe Dan (83), Breggie (73) en Elzabie Brand (54) vermoor is, is kort ná die verskyning van vyf verdagtes in die hof op Hartswater wyd op verskeie sosialemedia-platforms gedeel.

Die bestuur van die polisie in die Noord-Kaap het Vrydagoggend ’n dringende verklaring uitgereik en hul kommer oor dié beweringe uitgespreek.

Brig. Mohale Ramatseba, polisiewoordvoerder, sê: “Die bestuur van die polisie in die Noord-Kaap neem met groot kommer kennis van die plasings oor die grusame moorde op die Brand-gesin in Hartswater.”

Elzabie Brand (54) en haar ouers Breggie (73) en Dan (83), wat Sondag in hul huis op ’n hoewe in Hartswater aangeval, ontvoer en later vermoor is.

Hy sê die boodskappe en plasings op sosiale media beweer dat een van die slagoffers se oë verwyder, haar borste afgesny en sy herhaaldelik verkrag is.

“Hierdie beweringe is absoluut onwaar en word weerlê deur die lykskouing wat Donderdag gedoen is,” sê Ramatseba.

Hy het ook gerugte dat die Brand-egpaar aan ’n boom opgehang is ten sterkste ontken en sê hulle was sowat 500 m uitmekaar en meer as 1 km van waar Elzabie se lyk gevind is.

hartswater
Geel polisielint buite die Brand-egpaar se huis. Foto: Anena Burger

Die gebied waar die gesin se lyke gevind is, is ruig en moeilik begaanbaar en het die soektog na die egpaar Maandagaand vir die polisie en soekspanne bemoeilik.

Die plek waar die egpaar se lyke Dinsdagmiddag omstreeks 17:00 gevind is, is deur van die verdagtes uitgewys.

Die polisie het die publiek en gemeenskappe versoek om nie vals inligting oor die moorde te versprei nie.

“Hierdie vals gerugte traumatiseer die familie en gemeenskappe,” sê Ramatseba.

Hy sê die Noord-Kaapse trio-taakspan is tans besig om die saak te ondersoek.

Die vyf verdagtes, Kgomotso Mpulwana (42), Tshepo Visagie (36), Donald Seoleseng (20), Tshepaone Melato (19) en Realeboga Manyedi (19), sal op 13 Augustus weer in die landdroshof in Hartswater verskyn.

Meer oor:  Elzabie  |  Breggie Brand  |  Dan  |  Brand-Moorde  |  Hartswater  |  Misdaad  |  Rooftog  |  Plaasmoorde  |  Plaasaanval
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.