Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Rowers wond egpaar by plaashek

’n Egpaar van Witbank is Vrydagaand by die hek van hul plaas, in die omgewing van die N4-tolhek tussen Middelburg en Witbank, in ’n aanval gewond.

Die vrou het bebloed agter die stuurwiel ingespring en daarin geslaag om met hul drie kinders in die motor weg te jaag.

Brig. Leonard Hlathi, polisiewoordvoerder, sê die egpaar is Vrydagaand, toe hulle by die hek van hul plaas in Witbank aankom, deur drie onbekende mans begroet.

Die mans het een of meer vuurwapens by hulle gehad.

Die vrou se man het bestuur en het uit die egpaar se Toyota-motor geklim om die hek na hul plaas oop te maak.

Brig. Leonard Hlathi

Hy is geskiet terwyl hy daarmee besig was.

“Drie skote is afgevuur. Die vrou is twee keer raakgeskiet – in haar hand en haar rug.

“Sy het agter die stuurwiel ingespring en weggejaag met haar drie kinders wat agter in die motor was.”

Hlathi sê die man is een keer raakgeskiet. Dit is in dié stadium nog onduidelik waar aan sy lyf die man geskiet is, en of hy vir sy vrou die opdrag gegee het om van die toneel af weg te jaag.

Netwerk24 verneem die vrou het in die rigting van die N4-tolhek gery, waar sy te hulp gesnel is.

Hlathi sê sowel die man as sy vrou is in ’n plaaslike hospitaal opgeneem vir behandeling.

“Ek is nog nie seker hoe nie, maar die man het later by sy gesin by die hospitaal aangesluit.”

Volgens Hlathi word alle leidrade deur die polisie ondersoek en hulle sal vandag verklarings by die egpaar afneem.

Die drie vermeende aanvallers is steeds soek.

Meer oor:  Middelburg  |  Witbank  |  Plaasmoorde  |  Plaasaanvalle
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.