Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Sjebeen-baas vas ná hy drank van huis af verkoop
Van die drank waarop die polisie beslag gelê het nadat hulle 'n sjebeen-eienaar betrap het waar hy drank onwettig verkoop. Foto: Verskaf

’n Sjebeen-baas van Kimberley is Sondag deur die polisie op heterdaad betrap waar hy besig was om drank van sy huis af te verkoop.

Kapt. Olebogeng Tawana, polisiewoordvoerder, sê die polisie het op die sjebeen in Newtonstraat in Beaconsfield toegeslaan nadat hulle inligting ontvang het dat ’n 63-jarige man drank verkoop.

“Die verdagte is betrap waar hy besig was om drank teen hoë pryse vanaf sy huis aan die publiek te verkoop,” sê Tawana.

Die man het ook nie ’n wettige dranklisensie of ’n lisensie om ’n taverne van sy huis af te bedryf nie.

Drank met ’n waarde van R4 800 is gevind en op beslag gelê.

Die man het ’n boete ontvang vir die onwettige handel in drank.

Die misdaadvoorkomingseenheid het ook Sondag in Galeshewe, Green Point en Roodepan sjebeens besoek om te sien of hulle aan die inperkingsregulasies voldoen.

In Phuthanang in Galeshewe het die polisie ’n groep mense gesien wat saamgedrom het en by nadere ondersoek gevind dat hulle besig was om drank en tuisgebroude bier te koop.

Die groep mense het nie maskers gedra nie en is aangesê om die perseel te verlaat.

Die eienaar is beboet en die bier is uitgegooi.

Meer oor:  Drank
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.