Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Taxi betrap met ‘lisensieskyfie’ van koerantpapier

Van ver af lyk dit soos die ware Jacob. Maar van nader kon Johannesburgse metropolisiebeamptes skaars glo wat hulle op twee minibustaxi’s se windskerms sien: lisensieskyfies wat van lugtyd-koopbewyse en koerante gemaak is.

Die beamptes het daarop afgekom toe hulle ’n padblokkade by die hoek van Malibongwe- en Pres. Fouché-rylaan in Randburg beman het, sê supt. Edna Mamonyane, woordvoerder van die Johannesburgse metropolisie (JMPD).

’n Metropolisiebeampte beboet die bestuurder van ’n taxi met ’n “lisensieskyfie” wat van koerantpapier gemaak is. Foto: Twitter

“Toe die beamptes die taxi’s ondersoek, het een ’n lisensieskyf van koerantpapier opgehad en een ’n skyfie wat van lugtyd-koopbewyse gemaak is,” sê Mamonyane.

Volgens haar is dit ’n nuwe ding. Sy sê in die verlede het hulle al afgekom op ’n afskrif van ’n ander lisensieskyfie wat op die windskerm geplak is.

“Van ver af sal jy dink dis ’n regte lisensieskyf,” sê Mamonyane.

Dié “lisensieskyfies” is van lugtyd-koopbewyse gemaak.Foto: JMPD

Sy sê die twee taxi’s is geskut.

“Die vervalste lisensieskyfies is bewys dat daar fout is met die voertuie.”

Die twee taxibestuurders is beboet weens die bestuur van ’n ongelisensieerde en onpadwaardige voertuig.

Theo Malele, woordvoerder van die National Taxi Alliance, sê hy praat nie die onwettige lisensieskyfies goed nie, maar beweer dat JMPD-beamptes nie altyd onskuldig is nie. “Sommige JMPD-beamptes verwyder taxibestuurders se lisensieskyfies nadat hulle ’n rusie gehad het oor die omkoopgeld wat hulle wil hê. Dan ry die taxi’s sonder lisensieskyfies. Dit is druk wat hulle daartoe dryf om die wet oor te tree.”

Malele sê dit is noodsaaklik dat die probleem van bo af opgelos word sodat taxibestuurders die regte ding doen.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.