Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Tuinier kom op werkgewer se lyk in Pta af

Die polisie ondersoek ’n klag van moord en huisroof nadat ’n tuinier Dinsdagoggend op sy werkgewer se lyk in sy huis in ’n veiligheidskompleks in Garsfontein, Pretoria, afgekom het.

Brig. Mathapelo Peters, polisiewoordvoerder, sê die tuinier het omstreeks 08:30 by die huis aangekom en die oorledene “op die grond” in die huis sien lê.

Hy het ’n koeëlwond in die bolyf gehad en was reeds dood.

“Die polisie is ontbied. Dit blyk dat die man in ’n huisrooftog vermoor is want ’n televisiestel en selfone word vermis,” sê Peters.

Luidens bronne het die kompleks “baie hoë mure” met toegangsbeheer. ’n Private veiligheidsmaatskappy verskaf ook sekuriteit daar.

Dit blyk dat die oorledene, wie se naam en ouderdom nie bekend gemaak is nie, reeds in die nag aangeval en vermoor is.

“Volgens ons inligting het die tuinwerker Dinsdagoggend met sy aankoms gesien die slot van die wooneenheid se hek is oopgebreek en die agterdeur is oopgedwing,” sê Peters.

Die tuinier het na binne geloer en die huiseienaar se lyk op die vloer gesien.

Dit blyk dat daar ’n struweling was voordat die oorledene geskiet is.

* Lede van die gemeenskapspolisiëringsforum van die omgewing wou nie met die media praat nie, omdat “die saak en ondersoek nog baie sensitief is”.

Meer oor:  Garsfontein  |  Pretoria  |  Tuinier  |  Misdaad  |  Huisroof  |  Moord  |  Polisie-Ondersoek
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.