Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Vrou (43) voor haar ma in apteek doodgesteek

’n Vrou is Dinsdag ten aanskoue van haar ma in ’n apteek in Joubertina, in die Oos-Kaap, vermoor.

Maritza van der Linde (43) is om 08:45 verskeie kere met ’n mes gesteek en is op die toneel dood verklaar. Haar 61-jarige ma, wat in die apteek in die hoofstraat van die dorp werk, is ook in haar onderlyf gesteek.

Kol. Sibongile Soci, Oos-Kaapse polisiewoordvoerder, sê in ’n verklaring die polisie het ’n 46-jarige man ná die voorval vir moord en poging tot moord in hegtenis geneem.

Volgens ’n ingeligte bron is die man aan albei vroue bekend.

Luidens die polisieverklaring het die man die apteek binnegestap en Van der Linde gegryp. Hy het die personeel na bewering beveel om die apteek te verlaat en Van der Linde na haar ma in ’n vertrek aan die agterkant van die apteek geneem.

“Die man het glo ’n mes uitgepluk en die ma in haar onderlyf gesteek. Die 43-jarige vrou is ook verskeie kere gesteek,” sê Soci.

Die polisie is ontbied en die man is om 09:05 in hegtenis geneem. Die polisie ondersoek die saak.

Meer oor:  Maritza Van Der Linde  |  Oos-Kaap  |  Joubertina
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.