Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Misdaad
Wag moet infrastruktuur by M’baai-strand beskerm

’n Tydelike sekuriteitswag is in die Diazstrand-gebied in Mosselbaai aangestel om infrastruktuur te beskerm wat opgerig is om beter toegang vir gestremdes tot die strand te bied.

“Die tydelike sekuriteitswag is aangestel om onder meer ’n oprit vir gestremdes by Tweekuilen teen vandalisme te beskerm,” sê Nickey le Roux, ’n munisipale woordvoerder van Mosselbaai, by navraag.

Volgens haar ondersoek die munisipaliteit tans ander moontlikhede, soos om beligting aan te bring, wat sal bydra om die oprit teen opportunistiese misdadigers te beskerm.

Sy sê voorts die oprit is teen ’n groot koste opgerig en onlangs eers in gebruik gestel.

Die paaltjies wat vroeër beskadig is by die De Bakke-strand. Foto: Verskaf

Vandalisme het die munisipaliteit die afgelope tyd honderdduisende rande uit die sak gejaag.

Vroeër vandeesmaand is tien paaltjies van ’n heining by die strand by De Bakke volgens die munisipaliteit “moedswillig” gebreek, ’n toilet by Santosstrand gevandaliseer, plafonne op Tweekuilen uit die dak gebreek en die ablusiegeriewe se mure by Danabaai met graffiti ontsier. Onlangs is die opgeknapte netbalbane by die Van Riebeeck-stadion beskadig kort nadat die kontrakteurs die bane voltooi het, en moet die werk (wat sowat R250 000 beloop) oorgedoen word.

In nog ’n voorval is ’n heining wat op aandrang van die gemeenskap aangebring is by die rugbyveld in Greenhaven, Groot-Brakrivier (in Mosselbaai se munisipale gebied), stuk-stuk weggedra of beskadig.

Meer oor:  Mosselbaai  |  Vandalisme
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.