Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Munisipaliteite
Beoogde projekte gaan O’hoorn hupstoot gee

Verskeie ontwikkelingsprojekte is aangekondig om Oudtshoorn se ekonomie en toerisme ’n hupstoot te gee.

Die projekte word aangepak in samewerking met Old Mutual en PwC.

Chris Macpherson, Oudtshoorn se burgemeester, sê Covid-19 het verwoesting gesaai onder sakeondernemings en families en mense se lewensbestaan. “As ’n dorp weier ons egter om hande gevou te staan.”

Van die projekte is volgens ’n verklaring ’n sonenergie-plaas waarby private energie-entrepreneurs betrek sal word en wat ’n laer elektrisiteitsrekening vir die dorp sal meebring, die opknapping van die atletiekbaan en sportgeriewe om die dorp te bemark as ’n mekka vir sporttoerisme in die Wes-Kaap en die ontwikkeling van die dorp se vliegveld.

Macpherson sê ’n nuwe winkelsentrum-ontwikkeling, wat beleggings sal lok, sal binnekort begin. Ander ontwikkelings soos ’n nismark-winkelsentrum in Bridgton, ’n kantoor- en hotelontwikkeling en ’n private gespesialiseerde hospitaal vir bejaardes word oorweeg.

Die kapitaalinspuiting vir die dorp sal sowat R520 miljoen wees met ’n maandelikse dienste-inkomste van meer as ’n halfmiljoen rand. “Die geleenthede vir werkskepping op kort en mediumtermyn sal help om toenemende armoede te bekamp,” sê hy.

As die grootste plaaslike regering in die Klein-Karoo gaan Oudtshoorn al die moontlike doen om beleggings te lok en ’n omgewing te skep vir die dorp om sy talente ten toon te stel en vooruit te gaan, volgens hom.

Die beoogde ekonomiese ontwikkeling sal belanghebbendes van die plaaslike regering en die private sektor insluit. Vroeg in die nuwe jaar sal die dorp ook sy eie plaaslike jamboree en indaba hou met plaaslike, provinsiale en nasionale departemente wat hul dienste sal bekend stel en

plaaslike sakeondernemings wat hul produkte sal ten toon stel.

Meer oor:  Oudtshoorn  |  Koronavirus  |  Covid-19  |  Projekte  |  Ekonomie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.