Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Munisipaliteite
Go George deels weer op dreef ná taxigeweld

Go George, dié dorp se openbare busdiens, het Vrydag ’n beperkte diens hervat nadat taxigeweld vandeesweek uitgebreek het en die diens telkemale opgeskort moes word.

Go George het Vrydag in ’n verklaring gesê hy het te midde van die intimidasie van van sy personeellede en passasiers deur betogers wel die afgelope week probeer om ’n beperkte diens te lewer.

’n Bus van die Go George-busdiens. Foto: Verskaf

Die situasie is besig om sy tol te eis en net ’n beperkte aantal bestuurders was Vrydag vir diens beskikbaar, lui die verklaring. Daar is gepoog om die hoofroetes met soveel ritte moontlik te diens, maar volgens Go George is dit nie moontlik om by die tydrooster te hou nie.

Donderdag het meer as 100 minibustaxi’s ’n deel van Yorkstraat op George afgesper en die ingang na die depot van Go George se busse en die kantore van die Wes-Kaapse verkeersdepartement versper. Dit is uit protes teen 14 taxi’s wat geskut is. Geen busse kon die depot verlaat nie.

Die taxi-operateurs is later uiteen, maar op die taxistaanplek in die middedorp is minstens 20 mense in hegtenis geneem weens openbare geweld nadat plaveisel glo uitgeruk en omstanders en die polisie met klippe bestook is.

­Hulle sal binnekort in die hof op aanklagte van openbare geweld verskyn, sê kapt. Malcolm Pojie, ’n polisiewoordvoerder.

* Minibustaxibestuurders het Maandag hier begin staak en die Go George-busdiens is opgeskort. Woensdag is die busdiens gedeeltelik hervat, maar Donderdag is dit weer opgeskort.

Die George-munisipaliteit het Woensdag ná ’n vergadering met die taxibedryf bekend gemaak dat ’n gesamentlike komitee bestaande uit lede van die stadsraad en die taxibedryf binne sewe dae op die been gebring sal word om aan die kwelpunte aandag te gee.

Meer oor:  Go George  |  Taxigeweld
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.