Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Munisipaliteite
Inwoners ruk op oor swak diens

Sowat 300 ontevrede inwoners van Warrenton het na die Magareng-munisipaliteit opgeruk om ’n griefskrif aan amptenare van die departement van samewerkende regering te oorhandig.

Dit volg op onlangse kragonderbrekings deur Eskom weens agterstallige skuld en gepaardgaande watertekorte.

Inwoners het ’n maand gelede die N12-roete wat deur die dorp loop uit frustrasie oor swak dienslewering en kragonderbrekings versper.

Gert van Heerden, een van die organiseerders van die Magareng Community Forum, wat die optog gereël het, sê hulle weier om verder met die burgemeester en munisipale bestuur te onderhandel.

“Ons het alle vertroue in die raad en amptenare verloor. Hulle slaan lankal nie meer ag op ons klagtes nie. Ons eis in ieder geval dat die munisipaliteit onder administrasie geplaas word. Dit is hoekom die LUR aandag moet gee aan ons griefskrif.

Die tegniese direkteur moet onmiddellik geskors word terwyl ondersoek ingestel word na die onbestede munisipale infrastruktuurtoelae wat vir dienslewering bedoel was.

“Die amptenare wat die griefskrif ontvang het, het gesê dat die LUR binne 14 dae antwoorde sal gee.”

In die griefskrif eis inwoners dat die provinsiale regering dringend by die munisipaliteit ingryp.

“Ons eis ook dat die premier die betrokke minister en Raad van Provinsies van die munisipaliteit se probleme in kennis stel.

“Die Suid-Afrikaanse Vereniging vir Plaaslike Regerings (Salga) en die tesourie moet kundiges stuur om die waarnemende munisipale bestuurder en finansiële hoof by te staan. Die kundiges moet ’n oudit van die personeelgetalle doen, ongewone kontrakte en aanstellings onder oë neem en verslag daaroor doen.

“Die tegniese direkteur moet onmiddellik geskors word terwyl ondersoek ingestel word na die onbestede munisipale infrastruktuurtoelae wat vir dienslewering bedoel was. Ons vermoed daar was wanadministrasie.

“Die provinsiale regering moet ons petisie ondersteun waarin ons eis dat Nersa (die nasionale energiereguleerder) die munisipaliteit se lisensie om elektrisiteit te versprei en verkoop, terugtrek,” sê Van Heerden.

Meer oor:  Optog
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.