Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Munisipaliteite
Table View se buurtwag ‘beste in metro’
Table View se buurtwag is Maandagaand as die beste in die Kaapse metro aangewys. Van links is die buurtwag se ondervoorsitter, Brian Gardner, en die voorsitter, Grant Lemos.Foto: Facebook

Die Kaapse metro en die Wes-Kaapse departement van gemeenskapsveiligheid het Table View se buurtwag as die buurtwag van die jaar aangewys. Dit is die eerste toekenningseremonie in sy soort in die stad.

Summer Greens se buurtwag en Tygerdal en Glenwood se buurtwag is onderskeidelik tweede en derde in dieselfde kategorie as Table View.

Buurtwagte wat spesifiek by gemeenskapsveiligheidsprojekte betrokke is, is ook benoem. Die vrywilligers in agt gebiede is geprys vir hul toegewyde deelname aan die Walking Bus-inisiatief, wat Nyanga, Bonteheuwel, Khayelitsha, Kraaifontein, Valhalla Park, Happy Valley, Pelican Park en Mfuleni insluit. Die Khayelitsha Town 2-buurtwag het die stadsraad se uitstaande prestasieprys vir sy bydrae tot die Alcohol Harms Reduction Game Changer gewen.

Pryse wat op die spel was, het onder meer toerusting soos noodhulpkissies, flitse, kolligte en tweerigtingradio’s ingesluit.

Meer as 80 buurtwagte en hul lede is op dié eerste jaarlikse seremonie vir een van die 34 pryse genomineer.

JP Smith, burgemeesterskomiteelid vir veiligheid en sekuriteit en sosiale ontwikkeling, sê in ’n verklaring daar is meer as 20 000 opgeleide buurtwaglede in Kaapstad.

Die Wes-Kaapse minister van gemeenskapsveiligheid, Dan Plato, het gesê die provinsie wil nóg 100 buurtwagstrukture oprig en meer as R2,5 miljoen is daarvoor opsygesit.

Pryse wat op die spel was, het onder meer toerusting soos noodhulpkissies, flitse, kolligte en tweerigtingradio’s ingesluit.

Die Kaapse metro het reeds 130 buurtwagte en daar is ’n verdere 200 in die provinsie.

Die departement wil soortgelyke seremonies in die hele provinsie aanbied.

Meer oor:  Jp Smith  |  Buurtwag
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.