Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Omgewing
Help om skaars seeperdjies te beskerm
’n Knysna-seeperdjie van naderby gesien.Foto: Sanparke

Sanparke het ’n beroep op die publiek gedoen om te help om die bedreigde Knysna-seeperdjie te beskerm.

Dié seeperdjie (Hippocampus capensis) is die enigste ter wêreld wat net in riviermondings voorkom. As volwaardige visse swem hulle met vinne en haal deur kieue asem. Pare is monogaam.

Hul beperkte verspreiding maak van hulle die mees bedreigde seeperdjie ter wêreld.

In die Tuinroete kom die seeperdjie hoofsaaklik in die Knysna-strandmeer voor en ’n klein aantal ook in die Keurboomsrivier in Plettenbergbaai en Swartvlei naby Sedgefield.

In April verlede jaar is ’n aantal dooie Knysna-seeperdjies in ’n vangnet in die Knysna-strandmeer gevind, skaars ’n maand nadat twee mans lewende seeperdjies in ’n bottel naby Theseneiland aan iemand wou verkoop.

Sedertdien werk Sanparke nou saam met die polisie en ander belanghebbendes om soortgelyke voorvalle te voorkom.

Nandi Mgwadlamba, ’n woordvoerder van Sanparke, sê die publiek kan op verskeie maniere betrokke raak om die seeperdjies te help beskerm.

Mense kan deel uitmaak van veldtogte teen besoedeling in die gebied, ander mense bewus maak van die seeperdjies of verdagte optrede by die strandmeer by die owerhede aanmeld.

“Mense kan deel uitmaak van veldtogte teen besoedeling in die gebied, ander mense bewus maak van die seeperdjies of verdagte optrede by die strandmeer by die owerhede aanmeld.”

Die Knysna-seeperdjie is op die lys van bedreigde spesies van die Wêreldbewaringsunie (IUCN) en word slegs by die uShaka Marine-akwarium in Durban, die Twee Oseane-akwarium in Kaapstad, die Nasionale Dieretuin in Pretoria en Sanparke se kantore by die Theseneiland-hawehoof in Knysna vertoon.

Akwariums wat seeperdjies huisves moet aan ’n reeks spesifieke vereistes voldoen. Die temperatuur, watergehalte en suurvlakke moet gereeld nagegaan en lugvloei moet gereguleer word.

In Knysna sien Louw Claassens, ’n bioloog en lid van die onafhanklike Knysna Basin-projek (KBP), na die seeperdjies om. Die KBP het ten doel om groter bewustheid oor die Knysna-riviermonding te skep, onder meer deur middel van navorsing.

Wetgewing bepaal onder meer dat seeperdjies nie in hul habitat versteur of verwyder mag word nie.

Mense wat met seeperdjies in hul besit betrap word, kan vervolg word en tronkstraf opgelê word.

Meer oor:  Sanparke  |  Knysna
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.