Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Omgewing
Klein Yster verdien sy superheld-status

’n Stroper het sy ma doodgeskiet, waarna hy sowat vier dae vir homself moes sorg. Daarna het ’n olifant hom gejaag én ’n leeu het hom bygekom.

Yster, die weesrenostertjie wat meer as een ontbering in die Krugerwildtuin oorleef het, by Gerard Naudé van Care for Wild.

Maar ’n witrenoster-bulkalfie het dit alles oorleef. Sy “superheldstatus” het aan hom die naam Yster besorg.

Vroeër vandeesmaand het iemand in die Krugerwildtuin ’n video geneem van hoe ’n olifant Yster jaag en hy tussen sowat 15 olifante inhardloop. Wildbewaarders het ’n helikopter gebruik om na hom te gaan soek en toe hulle hom kry, sien hulle hy het ’n krapmerk aan sy regteroor waar ’n leeu hom bygekom het.

“Die leeu het hom darem nie gebyt nie,” sê Petronel Nieuwoudt, eienaar van Care for Wild, ’n rehabilitasiesentrum vir renosters waar Yster sedert 5 Julie versorg word.

“Yster is so gelukkig dat hy dit kon oorleef.”

Care for Wild se werkers sê noudat wildreservate ingevolge die verslapte inperkingsregulasies besoekers mag ontvang, is stropers weer bedrywiger.

Intussen sterk Yster veilig aan én hy het ’n maatjie ryker geword.

Dié weesrenostertjie, wat intussen Anchor gedoop is, is op 13 Junie gevind toe hy ongeveer vyf dae oud was. Sy ma is dood toe ’n renosterbul haar gestorm het.

jaco.nel@rapport.co.za

Meer oor:  Krugerwildtuin  |  Stropers
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.