Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Omgewing
Suid-Afrikaner gesoek wat glo robbe in Namibië doodry

WAARSKUWING: Hierdie berig bevat foto's wat sommige lesers kan ontstel. 

Namibiërs sien rooi nadat ’n Suid-Afrikaner, moontlik van Augrabies, twee robbe aan die Namibiese kus, noord van Hentiesbaai, glo doodgery het.

Die man, wat moontlik as P. Dippenaar bekend staan, se voertuig se een nommerplaat het op die plek afgebreek waar die robbe doodgery is. Agterop die Noord-Kaapse nommerplaat is ’n etiket waarop P. Dippenaar geskryf is.

Fritz Kauffmann het in ’n inskrywing op die Facebook-blad Intelligence Support Against Poaching (ISAP) foto’s van die dooie robbe, die bloedmerke in die sand en die nommerplaat geplaas. Kauffman vra die gemeenskap om te help om die verdagte op te spoor.

Die versoek is wyd op Facebook gedeel en die Suid-Afrikaanse owerhede gaan glo genader word om te help om die vermeende skuldige vas te trek.

Die voertuig waarmee die robbe doodgery is, is na bewering ’n silwerkleurige Toyota Land Cruiser.

ISAP het ’n beloning van N$1 000 uitgeloof om die skuldige op te spoor.

Die agterkant van die nommerplaat wat gevind is waar twee robbe doodgery is. Foto: Facebook
’n Landkaart wat aandui waar die robbe doodgery is, wys dit is sowat 31 km noord van Hentiesbaai.Foto: Facebook
’n Dooie rob met die nommerplaat van ’n voertuig wat afgebreek het op die plek waar die rob doodgery is.Foto: Facebook
Die merke en bloed kan duidelik in die sand gesien word.Foto: Facebook

Meer oor:  Robbe  |  Namibië
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.