Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Omgewing
Van der Kloof-dam ‘loop binne dae oor’

Water van die Gariepdam vloei nou teen 1 000 kubieke meter per sekonde (kumek) deur die Eskom-turbines hier.

Amogelang Moholeng, woordvoerder van die departement van water en sanitasie, sê luidens ’n verslag wat Maandag deur die departement uitgereik is, is die Gariepdam nou 104,8% vol.

“Die water wat nou uit die Gariepdam deur die Eskom- turbines vloei, wek bykomende krag op en vloei na die Van der Kloof-dam.”

Volgens Moholeng is die uitvloei van water uit die Van der Kloof-dam tot 47,1 kumek verminder om druk op die Benede-Oranjerivierstelsel te verminder.

Na verwagting sal die Van der Kloof-dam binne die volgende drie tot vier dae begin oorloop.

Die huidige invloei na die dam is 948 kumek en die dam is tans 94,5% vol.

Intussen het die watervlak van die Bloemhofdam Dinsdag tot 110,1% gestyg. Dit was Vrydag op 102,4% nadat die sluise sowat ’n week vantevore oopgetrek is. Van die sluise is intussen toegemaak om die druk stroomaf te verminder.

Die invloei na die dam beloop tans 398 kumek en die uitvloei is tot 99 kumek verminder.

Volgens Moholeng is die Vaaldam nou 73,5% vol en styg die watervlak steeds met ’n invloei van 289 kumek.

Die Spitskopdam se vlak is nou op 124,7% en loop oor teen 96,8 kumek nadat 14 mm reën Sondag in die dam se opvangsgebied geval het.

Die Vaal- en Oranjerivier se vlakke het sedert die naweek begin daal.

By Schmidtsdrift in die Noord-Kaap is die hoogte van die Vaalrivier nou 1,917 m en dit vloei teen ’n tempo van 268,46 kumek.

By Prieska het die hoogte van die Oranjerivier van 3,166 m Vrydag na 2,231 m Dinsdag gedaal.

By Upington het die Oranje van 3,622 m Saterdag na 3,185 m Dinsdag gedaal.

By Blouputs, wat na die Augrabieswaterval langs die Oranjerivier geleë is, het die rivier tot ’n hoogte van 2,05 m gestyg.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.