Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Omgewing
Vermeende renosterstropers doodgeskiet

Twee vermeende renosterstropers is dood in ’n skietgeveg in die Hluhluwe-iMfolozipark in KwaZulu-Natal.

Nomusa Dube-Ncube, LUR vir omgewingsake, het gister gesê van die park se werkers, wat “dapper werk in moeilike omstandighede verrig”, het op 6 Maart op drie vermeende stropers afgekom.

Twee is noodlottig gewond en op die toneel dood. Een van hulle was ’n “bekende hoëvlak-stroper” wat in 2017 skuldig bevind is weens die onwettige besit van renosterhoring.

Hy was glo verantwoordelik daarvoor om groepe stropers uit Mpumalanga te organiseer om die Hluhluwe-iMfolozipark te teiken.

Die derde een het ontsnap.

Die polisie het beslag gelê op ’n grootkaliber-jaggeweer en messe wat volgens Dube-Ncube gebruik word om renosterhorings te verwyder.

28 renosters is al vanjaar in die park gestroop, sê Dube-Ncube.

Hommeltuie word in die park gebruik om renosters te beskerm.

Die park gebruik ook infrarooi-kameras wat in verbinding is met ’n operasionele sentrum om moontlike stropery betyds te identifiseer.

Dit is met dié tegnologie dat die drie vermeende stropers op 6 Maart betyds geïdentifiseer kon word.

’n Reaksie-eenheid is toe na die toneel gestuur.

Hulle het die vermeende stropers gekonfronteer en ’n skietery het uitgebreek. – News24

Meer oor:  Kwazulu-Natal  |  Renosters  |  Stropers  |  Renosterstropers  |  Doodgeskiet
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.