Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Onderwys
Leerkragte slyp hul Afrikaans-vaardighede

Meer as honderd Afrikaans-onderwysers en -dosente het verlede Dinsdag by die Federasie van Afrikaanse Kultuurvereniginge (FAK) se jaarlikse slypskool by die Voortrekkermonument kom leer hoe om hul skriftelike Afrikaans te verfyn.

Tom McLachlan, bekende taalkenner en -praktisyn, het die slypskool vir die tweede agtereenvolgende jaar aangebied.

McLachlan (69) is ’n beroepstaalpraktisyn wat, ná ’n draai in die sekondêre en tersiêre onderwys, die grootste deel van sy loopbaan in taaldienste gewerk het.

Tom McLachlan, bekende taalkenner en -praktisyn, het die FAK se slypskool vir die tweede agtereenvolgende jaar aangebied.

As lid en voormalige voorsitter van die Taalkommissie van die Suid-Afrikaanse Akademie vir Wetenskap en Kuns was hy ten nouste betrokke by die negende en tiende uitgawe van die Afrikaanse Woordelys en Spelreëls (AWS) en medeontvanger van die C.J. Langenhoven- en C.L. Engelbrecht-prys.

Hy was medeskrywer van X-Kit Afrikaans for English Speakers, wat met ’n ATKV-veertjie bekroon is, die skrywer van die taalgedeelte van die HAT Taal- en Feitegids en ’n medewerker aan verskeie woordeboeke. Sedert sy aftrede is hy ’n aktiewe vryskuttaalpraktisyn.

McLachlan se pa, Philip, was ook deel van die destydse FAK-musiekkomitee saam met legendes soos Anton Hartman, Gawie Cilliers, John Pauw, Pieter van der Westhuizen en Dirkie de Villiers (seun van M.L. de Villiers wat “Die Stem” gekomponeer het), wat die 1961- en later 1979-sangbundel saamgestel het.

“Die AWS is ’n onmisbare of baie nuttige bron in die klaskamer,” sê McLachlan.

Hy het die onderwysers en dosente op die slypskool gewys wat nuut is in die 2017-AWS, hoe om die boek te gebruik en ook hul taalvrae
beantwoord.

Hy het ook gepraat oor die nuwe reëls oor multiwoordeiename en die onderskeid tussen “hier onder” en “hieronder”, nuwe hoofstukke, naamlik die belangrike hoofstuk oor leestekens en oor trappe van vergelyking, die gebruiksleiding voorin, asook die vroeër geskiedenis van Afrikaans, die verskillende bylaes, soos buitelandse geografiese name en hul afleidings, Oosterse plekname, die SI-stelsel, die afkortings en die periodieke tabel.

Johan van Heerden, ’n afgetrede wetenskaplike, wat ’n paar jaar gelede begin digkuns skryf het, sê hy het juis die slypskool bygewoon om sy digkuns op te knap.

Twee onderwyseresse van die Hoërskool Delmas het dié slypskool as “insiggewend” en “absoluut die moeite werd” opgesom.

Susan Roux van Santam het as lid van die FAK die slypskool kom bywoon om haar te help met die bewoording en skryf van polisse.

Meer oor:  Voortrekkermonument  |  Onderwys
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.