Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Onderwys
Mohale is nuwe UV-kanselier
Prof. Bonang Mohale Foto: Verskaf

Prof. Bonang Mohale is vroeër op ’n spesiale raadsvergadering tot kanselier van die Universiteit van die Vrystaat (UV) verkies.

Mohale volg dr. Khotso Mokhele op wie se termyn as kanselier op 3 Junie verstryk.

Luidens ’n verklaring van die UV is Mohale ná ’n uitgebreide keuringsproses tot kanselier verkies.

Dr. Willem Louw, voorsitter van die universiteitsraad, sê die universiteit is gelukkig om iemand van Mohale se kaliber in die pos te kon aanstel.

“Die raad is bevoorreg dat prof. Mohale dié rol gaan vervul.”

Mohale se termyn van vyf jaar begin op 4 Junie.

Hy is ’n professor in praktyk by die Johannesburg Business School se College of Business and Economics, asook ’n gerespekteerde sakeleier wat al as voorsitter en direkteur van verskeie Suid-Afrikaanse maatskappye gedien het.

Mohale is ook ’n voormalige uitvoerende hoof van Business Leadership South Africa, waar hy verskeie programme geloods het om buitelandse beleggings te lok en werk te skep. Hy is ook ’n skrywer wat plaaslik en internasionaal aan sy sake-insig en vaardighede geken word.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.