Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Onderwys
‘Volwaardige aanbod’ van Afrikaans geëis
Peter Marais. “Alle Afrikaanssprekendes moet saamstaan om die taal van ondergang te red.” Foto: Franna Lombard

Afrikaans is terug in ’n konsentrasiekamp, het ’n voormalige Wes-Kaapse premier gister by die Universiteit Stellenbosch gesê.

Peter Marais, nou verbonde aan die Kaapse Federale Alliansie, sê dit lyk asof die Engelse hierdie keer die oorlog gewen het sonder om ’n skoot af te vuur.

“Engels is besig om Afrikaans oor te neem,” het hy gister voor die universiteit se Administrasie B-gebou gesê.

Alle Afrikaanssprekendes sal moet saamstaan om Afrikaans as onderrigtaal van ondergang te red, het hy gesê.

Marais was saam met die historikus prof. Hermann Giliomee en die sanger Stef Bos die sprekers by ’n protesaksie teen die Universiteit Stellenbosch se pro-Engelse-taalbeleid.

Dié protesoptrede is deur Stellenbosch Lente, ’n pro-Afrikaanse aksiegroep, gereël. Dit is egter swak bygewoon.

Stellenbosch Lente wil nie die jeug verhinder om in ander tale te studeer nie, maar ons eis die grondwetlike reg vir elkeen om in sy moedertaal te studeer.
Stellenbosch Lente

Stellenbosch Lente versoek in sy memorandum die universiteit om meer Afrikaanse studente eerder as Engelssprekendes te werf.

“Stellenbosch Lente wil nie die jeug verhinder om in ander tale te studeer nie, maar ons eis die grondwetlike reg vir elkeen om in sy moedertaal te studeer.

“Soos enige kultuur wil ons ook hier aan die suidpunt van Afrika trots wees op ons uniekheid. Moet dit asseblief nie verder afbreek nie,” lui die memorandum.

Marais het gewaarsku dat tensy alle Afrikaanssprekendes laer trek as een verenigde taal- en kultuurgemeenskap, die ongelukkige dae “ons sal inhaal”.

“Ons (wit en bruin mense) is een volk. Een pa, maar twee ma’s. Julle het hom (die bruin man) nou nodig, want sonder hom kan julle nie ’n meerderheid wees nie,” sê Marais.

Giliomee sê dit is baie belangrik dat die stryd, om “ ’n volwaardige aanbod van Afrikaans” by die US te behou, voortgesit moet word.

“Ons moet eenvoudig nie moed verloor nie. Dit is ’n saak wat nie net sal weggaan nie,” sê hy.

“Ek dink nie ons kan vir enigiets minder vra as ’n volwaardige aanbod in Afrikaans nie. Dit is ’n stryd wat ons beplan om te voer totdat daar voldoen word aan die regte wat ons het kragtens die Grondwet.”

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.