Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
‘Bloed kan vloei as grond nie onteien word’

Plaaswerkers en plaasbewoners het nie net ’n morele aanspraak nie, maar ook ’n ekonomiese aanspraak op produktiewe landbougrond, het Colette Solomon, direkteur van Women on Farms, aan die parlement se komitee oor grondwetlike hersiening gesê.

women on farms

Dié komitee het Donderdag sy openbare sittings oor die eiendomsklousule in art. 25 van die Grondwet voortgesit. Die komitee moet besluit of dié artikel grondonteiening sonder vergoeding moontlik maak.

Solomon sê Women on Farms is ten gunste van grondonteiening sonder vergoeding.

“Die morele aanspraak wat plaaswerkers op landbougrond het, is deur geslagte en eeue van bloed, sweet en die bydrae wat hulle tot landbou in die land, spesifiek in die Wes-Kaap, gemaak het. Hulle het ook ’n ekonomiese aanspraak op produktiewe landbougrond vir die vermindering van armoede en ’n onafhanklike en versekerde bestaan. Ons weet werk raak toenemend seisoenaal, onverseker en onbestendig.”

Vroueplaaswerkers sal volgens haar insae moet hê oor hoe onteiende grond verdeel word.

Sy het toegegee dat die Grondwet voorsiening maak vir onteiening, maar gesê die artikel is dubbelsinnig. Volgens haar is ’n “ondubbelsinnige, duidelike en eksplisiete” stelling in die Grondwet nodig om voorsiening te maak vir grondonteiening sonder vergoeding.

Strike Thokoane, Azapo-leier, waarsku dat die grondkwessie tot ’n “bloedrevolusie” in die land kan lei. “As ons nie aandag aan die kwessie van grond gee nie, gaan mense opstandig raak. Of ons nou daarvan hou of nie. Ons kan poer-poer, maar dit sal nie lank wees voordat dit ons inhaal nie.”

In die suide van Gauteng waar hy vandaan kom, het mense reeds besluit om grond te begin afvat.

Die tekens is reeds daar, sê Thokoane. In die suide van Gauteng waar hy vandaan kom, het mense reeds besluit om grond te begin afvat.

“Dit is net ’n kwessie van tyd voordat hulle na Van der Merwe se plek gaan en dit gaan beset. Dit is waar ons bloedvergieting kan sien,” sê hy.

Die vereniging van swart boere (Afasa) dink egter nie daar is ’n moontlikheid van ’n rasseoorlog nie.

Dr. Vuyo Mahlati, pres. van Afasa, sê dié organisasie werk saam met Nafu, Agri SA en die TLU.

“Ons werk aan ’n nasionale landbouplan en al vier organisasies stem saam dat die huidige situasie met grondhervorming nie haalbaar is nie.”

Meer oor:  Grondonteiening  |  Geweld
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.