Hy sluit af.

Volgens Ramaphosa is dit duidelik wat gedoen moet word. 

Ramaphosa sê hy het slegs die kwessies wat op die lekgotla bespreek is in breë trekke weergegee.

Daar sal binne ’n paar dae ’n verslag uitgereik word wat meer besonderhede bevat en wat na ANC-strukture versprei sal word.

Die vryehandelsgebiedooreenkoms sal ook aandag kry.

Daar sal ook pogings aangewend word om die “gewere stil te maak” op die vasteland deur bilaterale verhoudinge te verbeter.

Die lekgotla het besluit dat grensbestuur belangrik is vir ekonomiese ontwikkeling en maatskaplike stabiliteit.

Daar is besluit dat wette oor grensbestuur meer doeltreffend toegepas moet word.

Volgens Ramaphosa sal sy termyn as voorsitter van die Afrika-Unie binne weke tot ’n einde kom.

Die lekgotla het dus besluit daar moet aandag gegee word aan die vasteland se reaksie op Covid-19 en dat Afrika toegang tot entstowwe kry.

Daar is besluit dat die ANC en die alliansie nouer op plaaslike vlak moet saamwerk, sodat diegene in munisipaliteite deelneem aan veldtogte om te verseker dat dienslewering geskied.

Daar moet egter ook verantwoordbaarheid en deursigtigheid wees.

Daar is besluit om ’n oudit van onvoltooide infrastruktuurprojekte te doen sodat die projekte voltooi en nodige instandhouding gedoen kan word.

Slegs kandidate wat bevoeg is en integriteit het, sal in die munisipale verkiesing as ANC-raadslede verkiesbaar kan wees.

Die ANC-lekgotla het besluit dat daar ’n ekonomiese beraad sal plaasvind om te bespreek wat Covid-19 aan die mense van die land gedoen het.

Die beraad moet fokus op swart ekonomiese bemagtiging in die breë, die transformasie van eienaarskap en die aard van eienaarskap in die ekonomie.

Die ANC en sy alliansievennote sal ’n dringende slypskool oor klimaatsverandering aanbied wat beleid kan bepaal.

Daar is ook gepraat oor die beskikbaarstelling van spektrum en die Onafhanklike Kommunikasieowerheid (Okosa) hanteer dit.

Die lekgotla maan Okosa om die lisensieproses te versnel.

Die aansoekers moet voldoen aan die bemagtigingsvereistes soos uiteengesit in die wet.

Dit moet datakoste verlaag en mededinging moet verbeter.

Die lekgotla het ’n verslag ontvang wat ontstellend is.

Hiervolgens verdien vroue minder vir dieselfde werk as wat hul manlike kollegas verdien.

Dit moet volgens Ramaphosa tot ’n einde kom.

Vir dieselfde werk moet vroue presies dieselfde as mans verdien.

Daar is geen rede hoekom vroue ongelyk behandel moet word nie.

Dit is inherent onregverdig en kan selfs ongrondwetlik wees. Dit moet einde kry.

Die lekgotla het herbevestig dat werkskepping die kern van die ekonomiese herstelplan moet wees.

Dit is dieselfde plan as wat verlede jaar wat op die tafel was.

Die lekgotla het besluit dat die doelwitte daarin uiteengesit dringend toegepas moet word.

Daar sal dus na ’n hoër rat oorgeskakel word.

Die plan moet in werking gestel word op ’n manier wat die doelwitte van radikale ekonomiese transformasie dien.

Ramaphosa sê die ANC en die alliansie moet ’n massiewe veldtog begin om alle sektore van die samelewing te betrek om elke uithoek van die land te bereik om die pandemie te bowe te kom, onder meer deur middel van die entstofprogram en om die gesondheidstelsel te versterk.

In die openbaar moet daar duidelik en akkuraat gepraat word en dit moet gegrond word op feite, wetenskap en mediese bewyse.

Een boodskap moet dus oorgedra word deur vele stemme.