Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
Duduzane wil Jonas ondervra

Duduzane Zuma, een van die vermeende sleutelfigure in die Gupta-familie se staatskapingsprojek, wil nou voor die Zondo-kommissie getuig nadat hy vroeër daarteen vasgeskop het.

Sy regsverteenwoordiger het in ’n brief aan die kommissie van ondersoek na staatskaping gesê Zuma wil sy weergawe gee oor die gebeure waaroor Mcebisi Jonas, voormalige adjunk-minister van finansies, getuig het. Hy wil Jonas ook onder kruisverhoor neem.

Duduzane Zuma. Foto: News24

Jonas het getuig Zuma was by toe die Guptas hom wou omkoop om minister van finansies te word.

Regter Raymond Zondo, voorsitter van die kommissie, het gesê hy sal Donderdag uitspraak lewer oor versoeke van geïmpliseerdes om getuies te kruisondervra. Hy sal Zuma se versoek saam met dié van ander getuies oorweeg.

Jan Gilliland, ’n amptenaar van die nasionale tesourie, het bewyse van ’n geldspoor van R260 miljoen tussen 2011 en 2018 vanaf die regering se kommunikasiediens (GCIS) na die Guptas se mediamaatskappye The New Age en Infinity Media gelewer.

Hy het ook onthul dat die Vrystaatse provinsiale regering in dié tyd R79,3 miljoen – meer as enige ander provinsiale regering – aan advertensies in publikasies van die Guptas bestee het. Hiervan het die kantoor van die premier R53 miljoen bestee.

Die regering in KwaZulu-Natal het met R25 miljoen die tweede meeste bestee, en Noordwes die derde meeste met R23,8 miljoen.

Levy Ndou, ’n politieke ontleder, sê dit verbaas hom nie dat dié drie provinsies soveel geld na die Guptas laat vloei het nie, omdat hulle gelei is deur oudpres. Jacob Zuma se ondersteuners, soos Supra Mahumapelo en Ace Magashule.

“Dit is die mense wat aan die hoof staan van pogings om terug te veg teen pres. Cyril Ramaphosa.”

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.