Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
Gautengse LUR’e beëdig: Lesufi geloof vir werk

Panyaza Lesufi is deur David Makhura, Gautengse premier, geloof vir sy werk as LUR vir onderwys in die provinsie.

Makhura het Donderdag op die beëdigingseremonie van sy uitvoerende raad in Johannesburg Lesufi gelyk gestel aan ’n veelsydige sokkerspeler wat in enige posisie kan speel. Lesufi is op die seremonie as die nuwe LUR vir finansies beëdig.

“Ek ontvang baie klagtes omdat Lesufi by onderwys weg is omdat hy fantastiese werk gedoen het. Nou nog vra ek myself af of dit die regte keuse was om hom te skuif,” sê Makhura.

“Ek is egter seker Lesufi sal goeie werk in die tesourie doen,” sê hy.

Panyaza Lesufi word Donderdag in Johannesburg as LUR vir finansies beëdig. By hom staan regterpresident Dunstan Mlambo. Foto: Christiaan du Plessis

Lesufi is in sy vorige termyn uit sekere geledere gekritiseer weens sy versuim om genoeg skole te bou, asook sy uitsprake oor Afrikaanse skole.

Lesufi wou in sy termyn Afrikaans-enkelmediumskole wat onderbenut word se toelatingsbeleid oor taal verander sodat meer Engelse leerlinge toegang tot gehalte-onderwys kry.

Hy het onlangs die wenkbroue laat lig toe hy op ’n nuuskonferensie gesê het hy verstaan nie hoekom ouers nog vir Afrikaanse onderwys baklei nie aangesien “daar nie meer Afrikaanse universiteite oor is nie”.

Nomantu Nkomo-Ralehoko is op dieselfde seremonie as die nuwe LUR vir onderwys beëdig.

Makhura sê hy is vol vertroue dat sy, nes Lesufi, goeie werk sal doen.

Meer oor:  David Makhura  |  Lur  |  Panyaza Le­Sufi
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.