Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
Geweld teen vroue, kinders: ‘Almal moet saamwerk’

Al die nuwe wette en beleid wat regerings instel teen geweld teen vroue en kinders, is nie genoeg om van dié euwel ontslae te raak nie.

Alle sektore van die samelewing se samewerking is nodig om dié geweld te beëindig, sê pres. Cyril Ramaphosa in sy jongste nuusbrief.

Die 16-dae-veldtog van aktivisme teen geslagsgeweld begin Woensdag en duur tot 10 Desember wanneer internasionale Menseregtedag gevier word.

Ramaphosa skryf volgens navorsing wat in 2017 gedoen is, kos geslagsgeweld Suid-Afrika se ekonomie jaarliks tussen R28 miljard en R42,4 miljard.

Pres. Cyril Ramaphosa

Dit sluit in die koste van die maatskaplike dienste, plekke van veiligheid en gesondheidsorg.

“Ondanks al die openbare steun vir die veldtog (teen geslagsgeweld) en ander soortgelyke veldtogte is ons nog ver weg van ’n wêreld sonder seksisme, diskriminasie en geweld teen vroue en kinders.

“Dit is ons almal se verantwoordelikheid, as individue en gemeenskappe, om die ware verandering wat ons so nodig het, teweeg te bring.

Ons salueer die buurvrou wat haar huis oopmaak vir ’n kwesbare ma en haar kinders; die medewerkers wat die slagoffers van geslagsgeweld na die hospitaal vergesel; en die vriende wat ingryp en nie net toekyk hoe ’n vrou of ’n kind mishandel word nie.

“Daar moet ’n fundamentele verandering in die openbare ingesteldheid wees wat seksisme, chauvinisme en patriargie laat gedy,” sê hy.

Ramaphosa gee ook erkenning aan die werk van onskatbare waarde wat mense buite die regering doen in die stryd teen geslagsgeweld.

Dit sluit in maatskaplike werkers, sielkundiges, huismoeders en raadgewers. Daar is baie mense betrokke wat nie betaal word vir wat hulle doen nie en hul dienste vrywillig aanbied.

“Ons salueer die buurvrou wat haar huis oopmaak vir ’n kwesbare ma en haar kinders; die medewerkers wat die slagoffers van geslagsgeweld na die hospitaal vergesel; en die vriende wat ingryp en nie net toekyk hoe ’n vrou of ’n kind mishandel word nie,” skryf Ramaphosa.

Met die inperking het nieregerings- en gemeenskapsorganisasies ’n groot rol gespeel om ondersteuning te lewer aan kwesbare vroue en kinders.

Meer oor:  Cyril Ramaphosa  |  Suid-Afrika  |  Vroue  |  Misdaad  |  Geweld  |  Geslagsgeweld
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.