Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
KYK: Ramaphosa ingehuldig

Pres. Cyril Ramaphosa is Saterdag as die vyfde demokratiese president van Suid-Afrika ingehuldig.

Die verrigtinge het plaasgevind op Loftus Versfeld in Pretoria, waar sowat 32 000 mense van oor die land heen saam met internasionale staatshoofde die plegtigheid bygewoon het.

Pres. Cyril Ramaphosa lê die eed af tydens sy inhuldiging op Loftus Versfeld in Pretoria.Foto: Felix Dlangamandla
’n Vrou uitgevat in kleurvolle tradisionele drag, dans voor die stadion waar pres. Cyril Ramaphosa Saterdag ingehuldig is as president van Suid-Afrika. Foto: Felix Dlangamandla
Sowat 32 000 mense was Saterdag op Loftus Versfeld om te kyk hoe Cyril Ramaphosa ingehuldig word as president van Suid-Afrika.Foto: Felix Dlangamandla
Twee Airbus-vliegtuie van die Suid-Afrikaanse Lugdiens (SAL) vlieg Saterdag saam met die Silwervalke oor Loftus Versfeld in Pretoria waar pres. Cyril Ramaphosa vroeër ingehuldig is. Foto: Felix Dlangamandla
’n Groot skare mense kyk na die seremoniële wag op Loftus Versfeld waar pres. Cyril Ramaphosa vroeër ingehuldig is.Foto: Deaan Vivier
Lede van die lugmag en vloot staan op aandag tydens die presidensiële inhuldigingseremonie op Loftus Versfeld. Foto: Deaan Vivier
Belangrike gaste skuil Saterdag teen die skerp wintersonnetjie op Loftus Versfeld waar Cyril Ramaphosa vroeër as president ingehuldig is. Foto: Felix Dlangamandla
Twee Airbus-vliegtuie van die Suid-Afrikaanse Lugdiens vlieg Saterdagoggend oor Loftus Versfeld in Pretoria. Foto: Felix Dlangamandla
’n Onbekende valskermspringer is na 1 Militêre Hospitaal geneem nadat hy Saterdag ’n mortierpyp getref het toe hy op Loftus Versfeld land. Hy was een van vier spingers wat op die stadion geland het. Brig.-genl. Mafi Mgobozi, woordvoerder van die weermag, sê die valskermspringer is nie ernstig beseer nie, berig News24. Foto: Deaan Vivier
Oudpres. Thabo Mbeki en sy vrou, Zanele, kom op Loftus Versfeld aan. Foto: Felix Dlangamandla
Pres. Emmerson Mnangagwa van Zimbabwe kom aan by Loftus Versfeld. Foto: Felix Dlangamandla
Oudpres. F.W. de Klerk groet die skare op Loftus Versfeld.Foto: Felix Dlangamandla
Jong Vhavenda-vroue en -meisies van die Venda-kultuurgroep Nyavhumbwa wadakaila bring hulde aan pres. Cyril Ramaphosa wat Saterdag by Loftus Versfeld ingehuldig is. Foto: Felix Dlangamandla
Pres. Cyril Ramaphosa sluit aan by Vhavenda-dansers. Die groep is gelei deur hoofman Livhuwani Matsila van die Radzambo Cultural Foundation. Hy het ’n tshikona-dans gelei. Dit is ’n tradisionale dans van die Vhavenda wat by belangrike geleenthede gedans word. Foto: Felix Dlangamandla
Meer oor:  Cyril Ramaphosa  |  Inhuldiging
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.