SPESIALE VAKANSIE-AANBOD: Teken in teen net R49 vir jou eerste maand! Word 'n intekenaar
Politiek
KYK: Steenhuisen woeker vir oulaas voor stemmery

Met ure oor voor die DA se federale raad ’n nuwe tussentydse leier en tussentydse nasionale voorsitter verkies, het John Steenhuisen, die party se parlementêre leier, aangedui dat hy ’n laaste poging sal aanwend om soveel lede as wat hy kan voor die stemmery te probeer oorreed dat hy die geskikte kandidaat vir die pos is.

John Steenhuisen Sondagoggend buite die DA se hoofkantore in Bruma.Foto: Bonolo Selebano.

Steenhuisen het Sondag buite die DA se hoofkantore in Bruma, Johannesburg, aan joernaliste gesê dat hy die regte kandidaat vir die pos is.

“Natuurlik sou ek nie myself verkiesbaar gestel het as ek nie gedink het ek is die regte persoon vir die pos nie, maar soos ek gesê het: Wie ook al vandag wen, bly die DA steeds die eintlike wenner,” sê Steenhuisen.

Makushule Gana, lid van die Gautengse wetgewer, is die ander kandidaat wat hom verkiesbaar gestel het.

Ongeveer 160 lede van die DA sal na verwagting hul kruisies trek en die kandidaat wat wen sal die party lei tot sy eerste kongres in 2020.

Toe Steenhuisen gepols is oor of hy vol vertroue is dat hy dalk kan wen, het hy geskerts dat nog niks ’n uitgemaakte saak is nie. “Die lede sal vandag besluit en ek sal die stemuitslag respekteer.”

Meer oor:  Makushule Gana  |  John Steenhuisen  |  Bruma  |  Johannesburg  |  Politiek  |  Da  |  Federale Kongres  |  Stemmery
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.