Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
Tito: ‘Laat die mense besluit oor reddingsboeie’
Tito Mboweni, minister van finansies. Foto: Masi Losi

Die minister van finansies, Tito Mboweni, het hom Sondag tot sosiale media gewend in ’n poging om ’n openbare debat oor reddingsboeie aan sukkelende staatsondernemings te ontketen.

Mboweni, wat bekend is vir sy siening dat die Suid-Afrikaanse Lugdiens (SAL) ’n las is op die ekonomie, het op Twitter gesê dat burgers oor kwessies van openbare belang moet besluit.

“Ons moet ’n demokratiese stelsel ontwikkel waarin kwessies van NASIONALE belang gepak word en nie partypolitieke belangrikheid nie. In ’n behoorlike demokrasie moet ’n openbare debat plaasvind wat lei tot ’n REFERENDUM!! Laat die mense besluit, nie die Politburo nie! Die BURGERS!! Ons die MENSE moet besluit!” het Mboweni Sondagoggend op Twitter gesê.

“Oukei. Ek hoor jou. Byvoorbeeld, wat is die burgers se beskouings oor of ons moet voortgaan om reddingsboeie aan staatsondernemings te gee en of ons belastingbetalers se geld aan paaie en ander openbare goedere moet bestee? Kom ons hou ’n openbare debat!”

Pres. Cyril Ramaphosa het verlede maand die ANC se nasionale uitvoerende komitee (NUK) se lekgotla in Irene, Tshwane, met ’n toespraak afgesluit waarin hy gesê het die ANC het ooreengekom om die land se meer as 740 staatsondernemings te konsolideer.

“Die ANC en sy alliansievennote, onder meer die Suid-Afrikaanse Kommunistiese Party (SAKP) het ingestem om ’n pragmatiese beskouing van die land se staatsondernemings te huldig deur geld by sekeres weg te neem en in ander te belê.”

Terwyl die party die deur wil open vir private vennote by Eskom, is die SAL onlangs in sakeredding geplaas.

Terwyl die party die deur wil open vir private vennote by Eskom, is die SAL onlangs in sakeredding geplaas.

SAL se sakeredders het onlangs bekend gemaak dat ’n aantal vlugroetes gekanselleer gaan word.

Volgens die sakeredders is die besluit geneem om ’n basis vir ’n sterk en volhoubare lugdiens te skep en om te verseker dat die maatskappy aanlokliker vir moontlike strategiese vennote is.

Maar die SAKP het vroeër verlede week kapsie gemaak teen die sakeredders se besluit om sekere plaaslike en internasionale roetes op te skort.

Dawie Roodt, hoofekonoom van die Efficient Groep, sê ’n referendum sou dalk teenstrydig wees met die ANC se standpunt oor sleutelstaatsondernemings.

“As jy vra vir ’n referendum, is ek redelik seker baie mense sou sê laat die SAL gaan. Die blote feit dat Tito dit noem, beteken dat hy lynreg bestaande ANC-beleid teenstaan en daarom dink ek nie sal hy lank as minister van finansies hou nie. Hy sal of moet spring of hy sal gestamp word.”

Meer oor:  Tito Mboweni  |  Maatskappye  |  Twitter  |  Reddingsboeie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.