Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
Moyane ondervra Gordhan voor Zondo

Tom Moyane, afgedankte kommissaris van die Suid-Afrikaanse Inkomstediens (SAID), gaan na verwagting Maandag die kans kry om Pravin Gordhan, minister van openbare ondernemings, voor die Zondo-kommissie van ondersoek na staatskaping onder kruisverhoor te neem.

Die kommissie het Sondag bevestig dat Moyane Gordhan sal ondervra nadat hy reeds verlede jaar daarvoor aansoek gedoen het.

2015-03-25 **Die Burger** Finansies minister en SA
Tom Moyane Foto: Deon Raath, Argief

Moyane se vrae sal beperk word tot die minister se bewering dat hy kwaadwillig opgetree het toe hy klagte teen Gordhan (toe hy minister van finansies was) by die Valke aanhangig gemaak het

Moyane het in 2016 strafregtelike klagte teen Gordhan met betrekking tot Ivan Pillay, voormalige SAID-kommissaris, se pensioenuitbetaling gelê. Die saak is later teruggetrek.

Gordhan het in sy getuienis voor die Zondo-kommissie aangevoer dat Moyane die regstelsel misbruik het en die klagte in kwaadwillige najaging van staatskaping aanhangig gemaak het.

Pravin Gordhan, minister van staatsondernemings Foto: Lisa Hnatowicz, Argief

Moyane het teen hierdie getuienis kapsie gemaak en meen dit is “ongegrond” en “nie in die belang van geregtigheid nie”.

Adjunkhoofregter Raymond Zondo, voorsitter van die kommissie, was ontsteld toe Gordhan aandui dat hy weens kabinetsverpligtinge nie in Augustus voor die kommissie kon verskyn nie.

Die gereelde vertragings het Zondo frustreer. Hy het gesê niks is belangriker as om voor die kommissie te verskyn nie. Gordhan se kabinetspligte is sy werk, net soos wat enigiemand anders ’n werk het, en dit is dus nie belangriker as die kommissie nie.

• Die kommissie hoor ook vandag die getuienis van Athol Williams, ’n vennoot van BAIN SA, aan.

Meer oor:  Staatskaping  |  Pravin Gordhan  |  Tom Moyane  |  Zondo-Kommissie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.