Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
Pillay op kortlys om in konstitusionele hof te dien

Die Regterlike Dienskommissie het ’n kortlys van kandidate bekend gestel wat in howe oor die land heen kan dien.

Een van die kandidate is regter Dhaya Pillay, wat op die kortlys is om in die konstitusionele hof te dien.

Pillay is die voorsittende regter in die korrupsieverhoor van oudpres. Jacob Zuma in die hooggeregshof in Pietermaritzburg waar sy opslae gemaak het deur ’n lasbrief uit te reik vir die inhegtenisneming van die voormalige president.

Sy was verlede jaar op die kortlys en is ’n meester in arbeidsregsake en ook een van die skrywers van die Wet op Arbeidsreg.

Met ’n lang loopbaan as ’n anti-apartheidsaktivis het Pillay in die 1980’s gedien as ’n prokureur vir die menseregteprokureur Yunus Mohamed.

Pillay sê nog altyd haar politieke standpunte het nog nooit ingemeng met haar vermoëns om uitspraak te lewer nie.

Nog ’n kandidaat op dié lys is regter Narandran Jody Kollapen, wat vroeër hoof van die Menseregtekommissie was.

Regter Mahube Molemela is ook op die kortlys om in die konstitusionele hof te dien. Regter Molemela het al verskeie hoëprofielsake gehanteer insluitend die beslissing aan die vooraand van die ANC se Nasrec-konferensie dat die Vrystaatse provinsiale komitee en verskeie ANC-takke nie kan deelneem nie.

Die volgende ronde onderhoude word van 20 tot 24 April gehou.

Meer oor:  Konstitusionele Hof  |  Dhaya Pillay
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.