Die sitting verdaag vir vandag.

Hogan verwys in haar verklaring na 'n hersieningsproses oor kabinetsbesluite wat tussen 2002-2019 geneem is oor die aanstelling van uitvoerende hoofde van openbare ondernemings. Weet Zuma iets daarvan?

Zuma sê hy kan nie iets daarvan onthou nie.

Themba Maseko vra of die sitting vir die dag kan verdaag.

Dit is nou Zuma se regsverteenwoordiger.

Pretorius sê hy het nie 'n probleem met die versoek nie, aangesien dit 'n uitmergelende dag was.

Zuma word gevra oor Barbara Hogan se verklaring

Pretorius sê een van die onderwerpe waaroor verskeie getuies reeds getuig het, is hoe senior personeel by staatsondernemings aangestel is.

Miskien kan jy ons help met die aanstellings, vra Pretorius aan Zuma. Hy verwys na Hogan se verklaring.

Zuma sê die proses wat deur Hogan beskryf is oor aanstellings, is hoe dit is. Dit is een stelsel wat so lyk, hetsy voor of na Zuma se presidentskap.

Pretorius wil nou die verklaring van Barbara Hogan, voormalige minister van openbare werke, met Zuma hanteer.

Zuma sê weer hy het niks om by te las nie.

Zuma wil 'absoluut niks' byvoeg nie

Zondo: Wanneer alles klaar is, sal ek sekere bevindinge moet maak uit die getuienis wat ek aangehoor het.

Maseko het na die kommissie gekom en gesê hy was hoof van die GCIS en dat hy sy pligte goed nagekom het. Nie een van sy seniors het probleme met hom gehad nie. Hy sê oudminister Chabane het gesê Maseko was 'n goeie amptenaar.

Hy sê hy het nooit gevra om oorgeplaas te word nie. Die enigste rede hoekom hy sê hy verwyder is, is die rede wat Chabane aan hom verduidelik het, dat Zuma aan Chabane gesê het teen die tyd dat Zuma terugkom in die land, moet Maseko nie meer by GCIS wees nie omdat hy nie met die Guptas wou saamwerk nie. Wil jy enigiets bylas, vra Zondo.

Zuma antwoord daar is absoluut niks wat hy wil byvoeg nie. Absoluut niks nie.

Zuma: Want DG's handel met ministers, nie met presidente nie. Ministers, as hulle enige oorweging het, kom praat hulle met die president. Dit begin nooit by die president nie.

Ek onthou niks, sê Zuma

Zondo: Met betrekking tot Mentor se getuienis dat sy by die woning van die Guptas was toe een van hulle haar die pos van die minister van openbare werke aangebied het en jy toe ingeloop het - sy sê toe jy die kamer binnegeloop het, het sy opgestaan en gesê Gupta het nie opgestaan nie.

Sy sê jy het met haar gepraat, want sy was ontsteld oor hierdie aanbod wat aan haar gemaak is. Toe sy aangedui het sy wil loop, het jy saam met haar buitekant toe geloop.

Sy sê toe julle by die kar aangekom het, het julle gegroet. Sy sê jy was bemoei daarmee om haar te kalmeer. Kan jy die voorval herroep?

Ek onthou niks, sê Zuma.

Volgens Zuma het die voorval nooit gebeur nie.

Zondo: Weet jy hoekom Mentor hierdie besonderhede sou deurgee as dit nooit gebeur het nie?

Hy weet nie, sê Zuma.

Vytjie Mentor sê intussen op haar Facebook-blad Zuma is verkeerd, hulle het al dieselfde koukusvergaderings bygewoon behalwe as Zuma oorsee was.

Zuma weet nie van Mentor se aantyging

Pretorius verwys Zuma weer na die bundel voor hom waarin Mentor sê die polisieverklaring is aan die Valke.

Lede van die Valke het na haar huis gekom en gesê "hul hande is afgekap". Volgens haar het sy toe Zuma se naam uitgehaal uit die verklaring.

Zuma ontken dat hy daarvan geweet het. "Ek weet niks," sê Zuma.

Pretorius: Hier is 'n bewering dat 'n lid van die Valke 'n klaer aanraai om 'n president se naam uit 'n verklaring te verwyder. Enige kommentaar?

Zuma sê hy het geen kommentaar daarop nie.