Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
Zuma: Sluit my dan eerder toe as om voor Zondo te verskyn

Oudpres. Jacob Zuma sal eerder deur tronkstraf in die gesig gestaar word as om toe te laat dat hy deur die Zondo-kommissie, wat staatskaping ondersoek, “geboelie” word.

So het die Jacob Zuma-stigting gesê nadat die oudpresident Donderdag gedros het op ’n sitting van die Zondo-kommissie, en hy sodoende dalk deur strafregtelike vervolging in die gesig gestaar word.

Dít omdat Zuma gedagvaar is om vandeesweek voor die kommissie te verskyn en hy nie toestemming gekry het om die sitting te verlaat nie.

Zuma was ontevrede met adjunk-hoofregter Raymond Zondo wat ’n aansoek deur Zuma verwerp het om hom weens “partydigheid” as voorsitter van die kommissie te onttrek.

Zondo het beslis die aansoek het nie meriete nie.

Oudpres. Jacob Zuma

Die stigting het Vrydag in ’n verklaring vir Zuma geprys dat hy “alles op die spel geplaas het” om nie geloofwaardigheid aan ’n “onreëlmatige proses, verbloem as ’n kommissie”, te gee nie.

“Ons staan by president Zuma en prys hom vir sy ferm optrede deur weg te loop van die kommissie. Dit is inderdaad ’n belaglike spul wat struikel van een fout na die volgende.

“Ons weet dat Zuma en sy span die heldhaftige standpunt ingeneem het omdat hulle nie bereid was om geboelie te word nie, en het eerder besluit om hul deelname te beëindig, ongeag die risiko van minagting van die verrigtinge,” lui die verklaring.

Die stigting het voorts ’n beroep op Zuma se ondersteuners gedoen om hom by te staan terwyl getuienisleiers van die kommissie “saamsweer” aan die strafregtelike verrigtinge.

Die stigting het ook beweer dat daar ’n derde mag agter die skerms is wat die toutjies van die kommissie trek, en sê hy hoop dat Zondo hiervan bewus is.

“Hulle kan dit wat gebeur het, verdraai nes hulle wil, maar hul bose bedoelinge is gedwarsboom en die bevooroordeling het hulle verblind. Ons staan al die pad agter president Zuma, maak nie saak wie hom wil vernietig nie. Hulle sal misluk.”

Meer oor:  Jacob Zuma  |  Staatskaping  |  Zondo-Kommisie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.