Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
2 dood in ontploffing in Madrid

Ten minste twee mense is dood na ’n “ongelooflike harde” ontploffing Woensdag in Madrid, Spanje, se stadskern.

Nooddienste, waaronder die polisie, paramedici en brandweer, is op die toneel.

Die media in Spanje berig die ontploffing het in ’n gebou naby ’n skool en ’n tehuis vir bejaardes plaasgevind.

Jose Luis Martinez-Almeida, Madrid se burgemeester, het die twee sterftes bevestig en gesê vroeë aanduidings is dat die ontploffing deur ’n gaslekkasie veroorsaak is. ’n Brand woed ook in die gebou waar die ontploffing plaasgevind het.

Agt mense is in die voorval beseer.

Die skool was glo leeg omdat klasse weens erge sneeuval nog nie hervat het nie. Die inwoners van die tehuis is ontruim en na veiligheid gebring.

’n Getuie het aan die AP-nuusdiens gesê: “Ons het nie geweet waar die geluid vandaan kom nie. Ons het almal gedink dit was van die skool af.

“Ons het by die trappe van ons gebou opgegaan en ons kon die struktuur van die gebou en baie grys rook sien.”

Beeldmateriaal op Twitter wys hoe die ontploffing ’n aantal voertuie verwoes het en hoe die straat met puin besaai is.

Die plaaslike Telemadrid-nuuskanaal berig dat minstens een mens in die puin vasgekeer is.

’n Woordvoerder van die polisie het gesê die area word ontruim, maar kon nie die oorsaak van die ontploffing bevestig nie. – Sky news


MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.