Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
Covid-19: Europa ‘diep in tweede vlaag’

Europa is diep in ’n tweede vlaag van die koronavirus-pandemie, volgens die president van die Europese kommissie, Ursula von der Leyen.

Daar is ’n daaglikse styging in nuwe gevalle van die Covid-19-virussiekte en is daar Woensdag vir die eerste keer meer as ’n halfmiljoen nuwe gevalle wêreldwyd aangemeld.

Binne twee weke het die daaglikse gevalle wêreldwyd met bykans 25% toegeneem.

Ursula Von Der Leyen, president van die Europese Kommissie, Donderdag op ’n nuuskonferensie na afloop van ’n virtuele vergadering van Europese leiers om die Covid-19-krisis te bespreek. Foto: Reuters

Teen Vrydagoggend was daar volgens die gesaghebbende Johns Hopkins-koronavirushulpbronnesentrum 45 028 250 kumulatiewe gevalle wêreldwyd en 1 181 075 sterftes.

Europa se daaglikse infeksiekoers het oor die afgelope twee weke verdubbel en Woensdag is daar vir die eerste keer meer as 250 000 gevalle aangemeld.

Frankryk, wat om middernag ’n streng inperkingstydperk begin het, het Donderdag 47 637 nuwe gevalle aangekondig teenoor die vorige dag se 36 437 se nuwe gevalle, berig BBC.

Ingevolge die maatreëls wat pres. Emmanuel Macron Woensdag aangekondig het, word mense verbied om hul huise te verlaat, tensy dit vir kos of ander noodsaaklikhede is.

In Duitsland is daar Donderdag 89 sterftes en 16 774 nuwe gevalle aangemeld. Hier geld ’n inperking vir minstens die volgende maand.

Die Belgiese regering sal na verwagting Vrydag vergader oor die moontlikheid van strenger maatreëls.

Die land het tans die hoogste infeksiekoers in die Europese Unie en bykans net soveel Covid-19-pasiënte in hospitale soos tydens die eerste vlaag in April.

In Italië, waar daar ook hierdie week ’n rekordgetal van 24 991 nuwe gevalle in ’n dag aangemeld is, het die regering Maandag aangekondig restaurante, gimnasiums en kroeë moet teen 18:00 sluit.

In Griekeland word inperkingsmaatreëls na nóg streke uitgebrei en geld nou in sewe streke. – Reuters

’n Gesondheidswerker van die MontLegia CHC-kliniek in Liege, België, het Donderdag aan ’n betoging deelgeneem om te eis dat die regering aandag gee aan personeeltekorte in hospitale. Foto: Reuters

Meer oor:  Koronavirus  |  Virus  |  Covid-19
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.