Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
‘Grootste ramp dreig in Sirië’

Siriërs wat uit die geweldgeteisterde Idlib vlug, het in hul hordes by dorpies naby die Turkse grens aangekom.

Hulle vlug uit vrees dat die regering ’n volskaalse bomaanval op Idlib gaan loods.

Meer as 30 000 mense het hul huise in die noordweste van Sirië verlaat sedert die weermag en sy geallieerde magte verlede week met bombardemente begin het.

Die Verenigde Nasies se kantoor vir humanitêre aangeleenthede (Ocha) sê ’n militêre aanval kan tot die grootste humanitêre ramp in die 21ste eeu lei. Tot 800 000 mense kan dakloos gelaat word, berig Reuters.

https://www.reuters.com/article/us-mideast-crisis-syria-idlib-displaced/as-idlib-offensive-looms-syrians-flee-to-border-villages-idUSKCN1LR2C5

Ali al-Mhejmid (50) wat met sy familie uit Idlib gevlug het, sê die vernietiging is oral sigbaar en sommige mense vlug met net komberse en kos.

Dié vlugtelinge woon nou in tente in ’n tydelike nedersetting wat hulle huur. “Mense hoop hulle is veiliger hier, maar net God weet wat kom volgende.”

David Swanson, woordvoerder van Ocha, het aan AFP gesê die toename in geweld is kommerwekkend.

Volgens die Daily Maverick het mans op motorfietse Maandag gevlug terwyl hul kinders dosyne skape weglei.

https://www.dailymaverick.co.za/article/2018-09-11-30000-flee-in-syria-as-un-fears-centurys-worst-crisis/

Aboe Jassim sê dit is die soveelste keer dat hy en sy gesin dakloos gelaat is in die oorlog.

“Vuurpyle het op ons neergereën, toe vlug ons met ons kudde. Ek het 30 skape. Ek benodig elke dag water, hooi en semels om hulle te voer. Ons gaan waar ook al dit veilig is.”

The Independent berig meer as ’n miljoen mense is dood en miljoene ander is ontwrig in die Siriese oorlog wat al sewe jaar lank woed.

Die skole in Idlib wat deur die rebelle bestuur word, het klasse opgeskort.

Drie hospitale, twee geboue van die Siriese rebelle en ’n ambulans is op 6 September deur bomme getref.

Luidens mediaberigte uit Sirië is 20 000 lede van die rebellemagte gereed om Idlib teen die regering se aanvalle te verdedig.

https://www.independent.co.uk/news/world/middle-east/syria-civil-war-idlib-province-battle-un-russia-air-strikes-assad-a8531976.html

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.