Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
KFC ontken sy resep is uitgelap
Die handgeskrewe lys van 11 kruie en speserye agterop ’n dokument.

Het kol. Sanders se nefie onopsetlik die geheim van Kentucky Fried Chicken (KFC) se 11 kruie en speserye aan die wêreld bekend gemaak?

KFC sê die resep wat in die Chicago Tribune gepubliseer is, is nié outentiek nie.

Maar dit het nie ’n stokkie gesteek voor bespiegelings aanlyn nie dat een van die grootste geheime in die geskiedenis van kitskos onthul is.

’n Joernalis het ’n rubriek vir die Tribune se reisafdeling geskryf oor Corbin, Kentucky, waar kol. Harland David Sanders sy eerste gebraaide hoender bedien het. Hy het met Joe Ledington, ’n neef van die kolonel, gepraat.

Ledington het op ’n sta­dium ’n boek met knipsels uitgehaal met die laaste testament van Sanders se tweede vrou, Claudia Ledington.

Op die agterkant van die dokument is ’n handgeskrewe lys van 11 kruie en speserye wat met twee koppies witmeelblom gemeng moet word. Hoewel Ledington aanvanklik gesê het dit is die oorspronklike resep, het hy later gesê hy kan dit nie met alle eerlikheid sê nie.

KFC sê sy resep is “een van die wêreld se grootste geheime” en dat die resep wat die joernalis gesien het nie eg is nie. – Reuters

Meer oor:  Kfc  |  Resep
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.