Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
KYK: Moles op vliegtuig oor man glo rondkyk

’n Paartjie is van ’n American Airlines-vliegtuig afgegooi nadat die vrou die man uitgeskel het en hom aangerand het.

’n Passasier het die hele drama op video vasgelê.

Julia Scorupco, wat ook op die vlug was en die video in die hande gekry het, het dit op Twitter en YouTube gedeel.

Sy skryf die voorval het op ’n vlug van American Airlines wat op 21 Julie onderweg was van Miami na Los Angeles gebeur.

Uit wat die vrou haar kêrel in gekruide taal toesnou het hy blykbaar na ’n ander vrou gekyk. Sy skel hom uit waar hulle in hul sitplekke voor opstyging sit.

Na ’n langdurige geskree, raai die kajuitpersoneel die man aan om op te staan. Die vrou agtervolg hom en slaan hom eers met ’n skootrekenaar van agter oor die kop en dan met haar vuis.

“Sy het heelwat kwaadwillige en rassistiese goed teenoor die man kwytgeraak oor hoe hy grootgemaak is, sy agtergrond en sy herkoms wat nie opgeneem is nie, so dit was moeilik om te aanskou (veral omdat daar so baie kinders aan boord was),” het Scorupco onderaan die video geskryf.

Die vrou loop agter die man aan terwyl hy die vliegtuig verlaat. Foto: Skermgreep
Die vrou kom terug om ’n tas uit die bagasieruim te haal voordat sy die vliegtuig verlaat. Foto: Skermgreep

’n Kajuitpersoneellid en ’n passasier is tydens die voorval lig beseer.

Die vlug is uiteindelik met twee uur vertraag nadat die personeellid huis toe gestuur is.

Volgens Scorupco het ’n ander passasier glo gesê sy het die paartjie reeds in die lughawegebou sien baklei. Scorupco sê sy verneem die vrou is in hegtenis geneem toe sy afgeklim het, maar het dit nie self gesien nie.

“Almal was ontsenu, maar ons was dankbaar dat dit gebeur het voordat die vliegtuig opgestyg het en nie in die lug nie. Die lugredery het die voorval goed hanteer en albei mense vinnig van die vlug verwyder. Hoewel ons gratis alkohol sou waardeer het nadat ons so ’n situasie aanskou het!” skryf Scorupco.

Meer oor:  American Airlines  |  Bakleiery  |  Skootrekenaar  |  Vliegtuig
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.