Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
‘Mona Lisa’ was siek, sê kenners
06 September 2018
Die skildery Mona Lisa deur Leonardo da Vinci. Die vrou was Lisa Gherardini en kenners het nou ’n siekte by haar gediagnoseer. Sy het 63 jaar oud geword. Foto: Mayo Clinic Proceedings

Lisa Gherardini, die model in die skildery Mona Lisa, was siek en haar toestand is nou gediagnoseer.

Sy het aan hipotireose gely. Haar skildklier het dus nie behoorlik gefunksioneer nie, lui navorsingsbevindings wat in Mayo Clinic Proceedings gepubliseer is.

Ander kenners het in 2004 tot die slotsom gekom dat sy ’n harttoestand gehad het – weens merke op haar vel en ’n samepakking van cholesterol in haar oë.

Maar nuwe navorsing toon dit kon eerder hipotireose gewees het, veral omdat sy 63 jaar oud geword het en sy gegewe die beperkte behandelings vir hartsiekte in die 16de eeu waarskynlik nie so lank sou geleef het as sy ’n harttoestand gehad het nie.

Die tekens van hipotireose is daar: Die hoë voorkop, die min, maar growwe hare, sy het geen wenkbroue nie, ’n gelerige velkleur en ’n moontlike vergrote skildklier, sê die navorsers van die Brigham & Women’s Hospital en die Harvard-Universiteit.

Die dieet gedurende die Renaissance, veral in Italië, het tipies te min jodium gehad en probleme met die skildklier is beduidend in baie skilderye. Baie groente en min vleis is geëet en hongersnood was altyd ’n gevaar. Seekos was skaars.

’n Paar maande voordat Gherardini vir die portret geposeer het, het sy die lewe geskenk aan ’n seun, Andrea, en sy kon ook inflammasie in die skildklier gehad het ná die geboorte. Wanneer ’n mens na haar hande kyk, is daar swelling op die regterhand.

Leonardo da Vinci het die skildery in opdrag van Gherardini se man, Francesco del Giocondo, geskilder. Hy het tussen 1503 en 1506 daarmee begin, maar dit eers in 1516 voltooi. Dit is sedert 1797 permanent in die Louvre in Parys.

Meer oor:  Mona Lisa  |  Lisa Gherardini  |  Siekte  |  Kuns  |  Skildery  |  Diagnose
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.