Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
Panama-verslag ontbloot netwerk van korrupsie

Gelekte dokumentasie oor 12 huidige en voormalige wêreldleiers se buitelandse bates het aan die lig gebring hoe onder andere vennote van die Russiese president Wladimir Poetin soveel as $2 miljard deur middel

Dié name in verslag

Die Britse premier David Cameron se oorlede pa se naam word genoem, asook nuwe inligting oor van sy buitelandse saketransaksies.

Daar is inligting oor geheime transaksies deur banke, maatskappye en vennote van die Russiese president, Wladimir Poetin, waarin soveel as $200 miljoen verskuif is.

Die premier van Ysland, Sigmundur David Gunnlaugssonen sy vrou het tydens die land se geldkrisis in die geheim ’n oorsese onderneming besit met miljoene dollars se effekte daarin.

Die akteur Jackie Chan, wat minstens ses maatskappye besit wat deur die firma bestuur word, se naam is ook in die dokumente.

Altesaam 29 miljardêrs wat deel is van die Forbes-tydskrif se lys van die wêreld se 500 invloedrykste mense verskyn in die verslag.

Die sokkerster Lionel Messi is ook in die verslag. Die verslag toon dat Messi en sy pa die eienaars was van ’n maatskappy in Panama: Mega Star Enterprises Inc. en dit voeg nog ’n naam by die lys van skadumaatskappy waarby hy betrokke is.

van banke en skadumaatskappye verskuif het.

Die dokumente gee ook inligting oor 128 politici en amptenare oor die wêreld heen se verskuilde saketransaksies.

Die vonds toon hoe ’n internasionale groep bestaande uit regsfirmas en banke finansiële geheimhouding aan politici, bedrieërs, dwelmhandelaars, miljardêrs, glanspersoonlikhede en sportsterre verkoop het.

Dit is van die bevindinge van ’n jaarlange ondersoek deur die International Consortium of Investigative Journalists (ICIJ), die Duitse koerant Süddeutsche Zeitung en meer as 100 mediaorganisasies.

Die dokumente stel onder meer die eerste ministers van Ysland en Pakistan en die koning van Saoedi-Arabië aan die kaak, asook ook mense en organisasies wat deur Amerika op ’n swartlys geplaas is weens hul betrokkenheid by Mexikaanse dwelmhandelaars en terroristeorganisasies.

“Die bevindinge toon hoe diep gewortel skadelike praktyke en misdadigheid in die wêreld van buitelandse bates is,” sê Gabriel Zucman, ’n ekonoom van die Universiteit van Kalifornië en skrywer van The Hidden Wealth of Nations: The Scourge of Tax Havens.

Die data strek oor 40 jaar van 1977 tot 2015 en bied ’n blik op die wêreld van buitelandse bates waar geld deur die internasionale geldstelsel vloei en tot misdaad aanleiding gee, tesourieë stroop en van belastinginkomste ontneem.

Die dokumente dui daarop dat banke, regsfirmas en ander buitelandse belanghebbendes dikwels nie wettige kanale volg nie en dat middelmanne hulself dikwels beskerm deur hierdie verdagte transaksies onder die mat te vee of dokumentasie te manipuleer.

Die kom ook aan die lig dat bekende banke groot drywers agter hierdie maatskappy is – amper 15 600 skadumaatskappye is vir kliënte geskep wat hul geldsake geheim wil hou, insluitend duisende deur UBS en HSBC.

Die gelekte dokumente kom van ’n onbekende maar magtige regsfirma in Panama, genaamd Mossack Fonseca. Dit is een van die wêreld se grootste skeppers van dopmaatskappye en sakestrukture waarbinne eienaarskap van bates geheim gehou word. Die dokumentasie bevat inligting oor 214 488 buitelandse entiteite met bande met mense in meer as 200 lande. Die ICIJ sal die volledige lys van maatskappye en mense wat daarmee verbind word vroeg in Mei bekend maak.

Fidentia

Nick Kgopa se pa is dood toe Nick 14 was. Sy pa se medewerkers in ’n goudmyn in die noorde van Suid-Afrika het gesê hy is weens chemiese blootstelling dood. Sy gesin kon oorleef danksy ’n fonds vir weduwees en weeskinders, maar op ’n dag het die betalings net opgedroog.

Sy gesin is een van vele wat verlies gely het ná beleggingsbedrog van $60 miljoen deur Suid-Afrikaanse sakelui. Aanklaers het beweer dat ’n groep individue wat deel is van die batebestuurmaatskappy Fidentia saamgesweer het om miljoene se beleggingsgeld te buit, insluitend geld uit ’n fonds wat sowat 46 000 weduwees en weeskinders van mynwerkers bystaan.

In die dokumente van Mossack Fonseca kom dit aan die lig dat dié maatskappy bereid was om een van die beskuldigdes te help om sy bates te beskerm.

Mossack Fonseca het ook vir Steven Goodwin, wat volgens aanklaers ’n kritieke rol in die Fidentia-skandaal gespeel het, oorsese strukture in plek gestel. Nadat die skandaal in 2007 aan die lig gekom het, het Goodwin na Australië en toe Amerika gevlug waar hy met ’n prokureur van Mossack Fonseca ontmoet het om sy buitelandse belange te bespreek.

Hulle het die kwessie glo in diepte bespreek en die prokureur het Goodwin oorreed om beter na sy belange om te sien en dit na ’n derde party oor te dra. In sy verslag het die beampte glo geskryf dat Goodwin nie by die skandaal betrokke was nie, maar slegs ’n slagoffer van sy

omstandighede was. Die FBI het Goodwin in 2008 in hegtenis geneem en hom aan Suid-Afrika uitgelewer waar hy skuld beken het op aanklagte van bedrog en geldwassery. - https://panamapapers.icij.org/

Brink’s-Mat en Mossack Fonseca

In 1983 het ses rowers die Brink’s-Mat-pakhuis by die Heathrow-lughawe in Londen van amper 7 000 goudstawe, diamante en kontant beroof. Die Britse media het dit die misdaad van die eeu genoem en baie van die gesteelde ware is nooit teruggevind nie. Waarheen die geld is, is steeds ’n groot vraagstuk.

Sestien maande ná die rooftog het Mossack Fonseca ’n skadumaatskappy in Panama geskep genaamd Feberion Inc. In ’n interne memorandum wat deur Jürgen Mossack saamgestel is, skryf hy dat Mossack Fonseca in 1986 “bewus was daarvan dat dié maatskappy betrokke was by die bestuur van die bates wat in dié berugte rooftog gesteel is. Die maatskappy het niks onwettig gedoen nie, maar dit mag wees dat die maatskappy geld belê het in bankrekeninge en eiendom wat onwettig bekom is”.

In rekords word dit duidelik gestel dat Gordon Parry, ’n Londense swendelaar, vir Feberion verantwoordelik was. In plaas daarvan om die owerheid te help om toegang tot Feberion se bates te verkry het die firma stappe gedoen om die Britse polisie daarvan te weerhou om beheer van die maatskappy oor te neem.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.