Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
Top-vlootoffisier loer glo mense in badkamer af

Een van Nieu-Seeland se top- militêre offisiere staan in Auckland tereg op aanklag dat hy ’n kamera in ’n badkamer vir mans en vroue in die land se ambassade in Washington geplant het.

Oud-kdoor. Alfred Keating Foto: Twitter

Oud-kdoor. Alfred Keating (59) was een van die land se mees senior vlootoffisiere voordat hy verlede jaar weens die aantygings bedank het. Hy ontken skuld, berig The Guardian.

Keating was die militêre attaché van die ambassade toe die kamera op 27 Julie 2017 uit die wegsteekplek in die badkamer geval het.

Volgens die polisie is die opnames gemaak van mense wat die toilet gebruik, en is daar nie sprake van spioenasie nie.

Henry Steele, aanklaer in die saak, sê daar is “geweldige sterk forensiese bewyse” en hy het geïmpliseer DNS op die kamera se geheuekaart stem ooreen met dié van Keating.

Steele het gesê daar is 700 lêers op die kamera wat uitgewis is, en 20 bestaande lêers. Dit sluit ’n video in van ’n hand in ’n blou handskoen wat die kamera aanskakel.

Daar is soektogte na Brickhouse Security op Keating se skootrekenaar gekry. Dit is die maatskappy by wie die kamera gekoop is. Daar is ook soektogte gevind na hoe so ’n kamera opgestel moet word.

In hofdokumente word gesê daar was baie stof op die tuisgemaakte platform waarop die kamera gestaan het, wat daarop dui dat dit maande lank daar was, berig die South China Morning Post.

Daar het destyds sowat 60 mense in die ambassade gewerk.

Ander bronne.



Meer oor:  Badkamer
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.