Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
Ugandese opposisieleier onder huisarres

Die Ugandese opposisieleier Bobi Wine se party sê hulle is gereed om pres. Yoweri Museveni uit te daag nadat hy Saterdag tot oorwinnaar in die land se presidentsverkiesing verklaar is.

Wine kon nie Sondag bereik word nie. Soldate omring sy huis en volgens sy Nasionale Verenigde-party is Wine en sy vrou onder huisarres. Joernaliste kan nie naby Wine se huis kom nie.

Lede van die veiligheidsmagte het Saterdag die ingang na die opposisieleier Bobi Wine se eiendom in Kampala, Uganda, versper. Foto: Getty Images

“Ons het bewyse van vervalste stembriewe en ander vorms van verkiesingsbedrog. Ons sal die nodige stappe doen om dié bedrog aan die kaak te stel,” het Maathias Mpuuga, woordvoerder van Wine se party, Sondag gesê.

Die verkiesingskommissie het Saterdag bekend gemaak dat Museveni 59% van die stemme op hom verenig het teenoor Wine se 35%.

Beide Amerika en Brittanje het reeds in verklarings gevra dat ondersoek na die beweerde verkiesingsbedrog gedoen word. Die Afrika Unie, wat ’n afvaardiging na die land gestuur het om die verkiesing te monitor, het nog nie ’n woord oor Museveni se oorwinning gerep nie.

Die verkiesing is gekenmerk deur veiligheidsmagte wat op kandidate en ondersteuners van die opposisie toegeslaan het. Inwoners se toegang tot die internet is ook afgeskakel.

Die 76-jarige Museveni is reeds sedert 1986 aan die bewind en een van Afrika se langsdienende leiers. Hy het kort ná sy oorwinning gesê die verkiesing is moontlik een van die “mees bedrogvrye” verkiesings in die land se geskiedenis. – Reuters

Meer oor:  Bobi Wine  |  Yoweri Museveni  |  Uganda  |  Verkiesing
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.