Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
Vlugte van Hongkong weer op dreef
Die polisie en betogers is slaags in die strate van Hongkong.Foto: Reuters

Vlugte na en van een van die besigste lughawens ter wêreld is Woensdag hervat ná twee dae van ontwrigting op die Hongkongse lughawe.

Honderde betogers het die lughawegebou dae lank beset en verskeie vlugte moes Maandag en Dinsdag gekanselleer word.

China het die betogings vandeesweek as “byna terroristiese optrede” beskryf nadat gewelddadige botsings tussen die polisie en oproeriges uitgebreek het.

Dis is nadat ’n klein groepie betogers gesê het hulle het ’n Chinese “spioen” gevangene geneem en ’n joernalis vasgebind en geslaan. Die persoon is later geïdentifiseer as ’n werknemer van die Chinese staatsbeheerde koerant Global Times.

Dinsdagaand het die polisie en betogers weer op straat slaags geraak en traangas is gebruik om hulle uiteen te jaag.

Die betogings in die strate van Hongkong duur reeds tien weke lank, berig Reuters.

Intussen het die Suid Afrikaanse Lugdiens (SAL) dit verwelkom dat die vlugte na en van Hongkong weer op dreef is.

“Ons is verlig dat ons ons bedrywighede kan hervat, sê Tlali Tlali, woordvoerder.

Hy sê die owerhede in Hongkong het die SAL in kennis gestel dat stappe gedoen is om die normale bedrywighede by die Hongkongse lughawe te herstel, en dat bykomende veiligheidsmaatreëls ingestel is.

Die SAL-vlugte SA287 en SA286 was Woensdagaand gereed om weer op te styg.

Gewapende wagte hou ’n oog op die Hongkongse lughawe.Foto: Reuters

Meer oor:  Hongkong
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.