Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wêreld
VSA: Partye kom teen ’n ‘muur’ te staan

Samesprekings tussen die Demokrate en Republikeine oor pres. Donald Trump se grensmuur tussen die VSA en Mexiko het Sondagaand weer op ’n dooiepunt uitgeloop.

Die Republikeinse senator Richard Shelby het aan Fox News Sunday gesê dat die gesprekke vir eers gestaak is omdat die Demokrate wil hê daar moet net ’n sekere aantal beddens beskikbaar gestel word vir onwettige immigrante in aanhouding.

Die Demokrate wil verseker dat die immigrasie-owerhede eerder konsentreer op immigrante met misdaadrekords en nie mense summier aanhou wat langer in die land aanbly as wat hul visums toelaat nie, berig New York Times.

Pres. Donald Trump van Amerika Foto: Getty Images

Die Demokratiese senator Jon Tester sê egter oor die dooiepunt dat onderhandelings lank neem.

Shelby het aangedui dat die kanse dat hulle teen Maandag (plaaslike tyd) tot ’n vergelyk sou kom, net 50-50 is.

’n Anonieme bron het aan Reuters gesê dat daar nie verdere vergaderings vir besprekings geskeduleer is nie.

Die doelwit is om teen Maandag ’n ooreenkoms te bereik sodat wetgewing in die kongres goedgekeur kan word vir die befondsing van federale staatsdepartemente wat oor Kersfees en tot in Januarie gesluit was.

Trump sou dan die wetgewing teen Vrydag kon onderteken, wanneer die tussentydse ooreenkoms vir die befondsing vir die departemente verstryk.

Trump het op 25 Januarie ingestem om die regering, wat vir ’n rekord 35 dae gesluit was, oop te stel.

Die sluiting was weens die Demokrate wat geweier om die $5,7 miljard wat Trump vir die befondsing van die grensmuur soek goed te keur. Die twispunt het beteken wetgewing vir die befondsing vir sekere staatsdepartemente kon nie betyds goedgekeur word nie.

Indien die Demokrate en Republikeine nou weer nie tot ’n vergelyk kom nie, sal die Amerikaanse regering weer gedeeltelik gesluit word.

Trump het ook aangedui dat hy ’n nasionale noodtoestand kan afkondig indien die gesprekke op niks uitloop nie.

So sal hy sal die grensmuur tussen Amerika en Mexiko kan bou omdat noodfondse dan daarvoor beskikbaar gestel kan word. – Reuters

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.