Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Leef
Baaienaar is SA se Mej. Tiener
Ellen Myburgh, ’n matrikulant van die Hoërskool Framesby in Gqeberha, is as Mej. Tiener Suid-Afrika 2021 gekroon. Foto: Verskaf

Sonder enige vorige ondervinding het Ellen Myburgh van Gqeberha (Port Elizabeth) met die kroon as Mej. Tiener Suid-Afrika 2021 weggestap.

Dié matrikulant van die Hoërskool Framesby sê sy is steeds oorweldig van blydskap en ook ten volle gereed vir die verantwoordelikheid wat met die gesogte titel gepaardgaan.

Ellen (17) is verlede week deur dr. Ellen Roux, die nasionale direkteur van die South African Championships of Performing Arts (Sacopa), tydens ’n intieme seremonie in die stad gekroon.

Hoewel Ellen nog nie voorheen aan soortgelyke kompetisies deelgeneem het nie, meen sy die gogga het behoorlik gebyt en sal haar planne om au pair te word ná skool eers opsy staan terwyl sy die moontlike geleenthede van dié kompetisies ondersoek.

Maar vir eers wil sy haar nuwe platform gebruik om ander meisies wat in hulself twyfel te inspireer om voluit te lewe.

“Jong meisies plaas soveel druk op hulself om die beste te wees, terwyl jy net jouself moet wees,” sê Ellen.

Sy erken dat sy tot nog sowat drie jaar gelede baie streng met haarself was en dit dikwels gevoel het asof sy nie goed genoeg vir enigiets is nie.

Haar swak selfbeeld was deels as gevolg van kuberboelies.

Sy sê haar selfvertroue en selfbeeld het gegroei nadat sy by ’n Christelike jeuggroep aangesluit het. “Dit is daar waar ek besef het ek is na die beeld van God gemaak en my lewe daarvolgens begin uitleef het.”

Haar inskrywing vir Mej. Tiener Suid-Afrika, wat op die voorstel van ’n familievriendin was wat haar foto’s op sosiale media gesien het, was juis om haar storie te vertel en ander jong meisies te inspireer.

Sy sê dié kompetisie, wat grootliks virtueel gehou is, is nie bloot op voorkoms gebaseer nie, maar soek kandidate wat ’n verskil wil maak.

Meer oor:  Skoonheidskompetisie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.