Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Leef
Baie bateklasse gewaardeer om inflasie te klop

Vir beleggers met ’n langtermyndoelwit soos aftrede, moet hul eerste beleggingsdoelwit wees om inflasie te klop, om sodoende te voorkom dat hul kapitaal oor tyd weggevreet word.

Die goeie nuus is dat, ten spyte van die onlangse swak prestasie van plaaslike finansiële markte by Prudential, ons glo dat baie bateklasse tans laag gewaardeer word sodat ’n toepaslike gebalanseerde fonds die inflasie gemaklik op langer termyn kan klop.

Miranda van Rensburg

Dit bly uitstekende oplossings, wat die nodige “groeibates” soos aandele en genoteerde eiendom kombineer, wat tipies inflasie-kloppende (reële) opbrengste op langer termyn lewer, met inkomste-produserende effekte en kontant om die algehele risiko van die fonds te verlaag.

As waardasie-gebaseerde beleggers, in vandag se marktoestande, glo Prudential sterk aan die noodsaaklikheid om relatief hoë blootstelling aan groeibates in ons Prudential Gebalanseerde Fonds te hê.

Beleggers moenie bang wees om ’n hoër (maar toepaslike) risiko op langer termyn te aanvaar nie, bloot omdat die onlangse markopbrengste teleurstellend was.

As ’n mens is ons inherente neiging om verliese te vermy, dus wanneer die finansiële markte teleurstellende opbrengste lewer, bou die sielkundige druk in beleggers op om risiko’s heeltemal te probeer voorkom en van hul riskanter bates en kontant te skuif.

Om op hierdie drang te handel beteken dat hulle verkoop wanneer pryse laag is en verliese sluit, wat langtermynprestasie van hul portefeulje ondermyn.

In stede daarvan moet hulle die teenoorgestelde doen – koop meer waar fundamentele analise toon dat batewaardasies onder billike waarde is.

Die tweede beste opsie is om op koers te bly en vermy die verkoop van bates teen lae pryse.

By Prudential het ons ekwiteit by ons Gebalanseerde Fondse en ander multi-bateportefeuljes bygevoeg wat kliëntemandate toelaat.

Volgens ons analise word sowel Suid-Afrikaanse en internasionale aandele (uitgesluit die VSA) laer gewaardeer in vergelyking met hul langtermyn- billike waardes en lewer dit oor die volgende vyf jaar reële­ opbrengste van onderskeidelik 8% en 6%.

SA staatseffekte is ook aantreklik en bied oor tyd werklike reële opbrengste van meer as 3% vir tien-jaar-effekte, hoër as hul langtermyn- billike waarde, so is ons ook oorwigtig in hierdie bates, met ’n ondergewig aan inflasie-gekoppelde effekte en kontanteffekte.

Hoewel niemand weet presies wanneer en hoe hierdie bateprestasie gelewer kan word nie, kan aktiewe fondsbestuurders hieruit voordeel trek en hul fondse dienooreenkomstig posisioneer.

Beleggers moet geduldig wees en hulp van hul finansiële adviseur kry om sowel ’n toepaslike gebalanseerde fonds vir hul portefeulje te kies as op langer termyn op koers te bly.

Miranda van Rensburg, hoof van streekverkope: Prudential-voorsorgbeleggingsbestuurders

Meer oor:  Inflasie  |  Bateklasse  |  Geldsake
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.