Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Leef
Egpaar meesters in adrenaliensport

Die 13de keer dat hulle aan die berugte K-Way Skyrun-wedloop in die Witteberge teen die Lesotho-grens deelgeneem het, het Mynhardt en Riana van der Merwe hul naasbeste tyd behaal.

Dié “berghardloop”-egpaar van Modderrivier buite Kimberley het op 15 November die 100 km-wedloop in 25:19:04 voltooi. Hulle het verlede jaar hul beste tyd aangeteken toe hulle dit in 24:53:00 voltooi het.

Vir dié wedloop, wat in die omgewing van Lady Grey en Barkly-Oos plaasvind, moet deelnemers hul eie kos- en watervoorraad saamdra en ’n eie roete oor en om die berge met ’n GPS, kompas of kaart baan.

Die afsnytyd vir die 100 km-roete is 30 uur. Deelnemers kan ook die 65 km- of 38 km-roete doen.

“Dit is altyd die moeite werd om só ’n projek, wat eintlik groter as jyself is, aan te pak,” sê Riana.

Riana en Mynhardt van der Merwe van Modderrivier buite Kimberley het op 15 November die 13de keer aan die K-Way Skyrun-natuurwedloop deelgeneem. Hulle het dié 100 km-wedloop in die Witteberge in 25:19:04 voltooi.Foto: Verskaf

Sy was eerste in die meesters­afdeling vir vroue en die 16de vrou oor die eindstreep.

Mynhardt was negende in die meestersafdeling vir mans en die 85ste man by die eindpunt.

“Die sleutel tot sukses is dat die atlete deurlopend deur die beperkings van hul eie gedagtes breek sodat hul lyf hulle verder dra as wat hulle glo moontlik is,” sê Adrian Saffy, organiseerder van die wedloop.

“As ’n mens so ’n tog aanpak, ry jou emosies die heeltyd wipplank. Tog is die natuurprag en die ervaring iets wat jy nêrens anders sal vind nie.”

Die Van der Merwes het al verskeie kere internasionaal aan dié soort wedlope deelgeneem.

Skyrunning is ’n adrenalien­sport­soort waarin daar gehardloop word op en oor berge hoër as 2 000 m, waarvan die helling meer as 30% is en die moeilikheidsgraad vir klim nie meer as 11° nie.

Meer oor:  Vrystaat  |  Egpaar  |  Meesters
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.