Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Leef
Naval Hill-fotokompetisie aangekondig

Almal wat die afgelope Desember op Naval Hill was, sou sekerlik saamstem dat die natuurskoon en uitsig ’n ware fees vir die oog was danksy die goeie reën.

Die nuut Vriende van Franklin het in November, in samewerking met die Bloemfontein-kameraklub en borge, ’n fotokompetisie aangekondig.

Enige professionele of amateurfotograaf kan deelneem.

Hier blom die stinkkruid, of John Deere-bossies, soos sommige dit noem, langs een van die wandelpaadjies op Naval Hill. Foto: Lientjie Mentz

Die volgende afdelings behels die gebruik van ’n digitale kamera:

* Afdeling 1: Naval Hill se wild­lewe, voëls uitgesluit (kleurfoto­);

* Afdeling 2: Naval Hill se wild­lewe, voëls uitgesluit – (swart-en-wit foto);

* Afdeling 3: Naval Hill se voëls (kleur);

* Afdeling 4: Naval Hill se voëls (swart-en-wit);

* Afdeling 5: Landskap van Naval Hill en/of uitsig oor die stad (kleur); en

* Afdeling 6: Landskap van Naval Hill en/of die stad (swart-en-wit).

Die afdelings vir slimfone is:

* Afdeling 7: Naval Hill se wild­lewe, voëls uitgesluit (in kleur of swart-en-wit);

* Afdeling 8: Naval Hill se voëls (kleur of swart-en-wit); en

* Afdeling 9: Landskap van Naval Hill en/of uitsig oor die stad (kleur of swart-en-wit).

Die inskrywingsgeld is R10 per afdeling en die geld sal vir kos vir die wild aangewend word en om die biodiversiteit van die ekostelsel uit te brei.

Beoordelaars van die Bloemfontein-kameraklub sal die wenners aanwys.

Inskrywings sluit op 1 Maart.

Rig navrae en kry inskrywingsvorms deur ’n e-pos te stuur na friendsoffranklin.bfn@gmail.com en besoek die Facebook-blad Friends of Franklin vir inligting oor die pryse wat gewen kan word.

Meer oor:  Naval Hill
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.