Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Leef
Sal jy my metgesel wees?

Dylan Price en Kay-lee van Eeden van die Hoërskool Brandwag. Foto: 228photography
Jou metgesel is ’n belangrike keuse om te sorg vir ’n lekker matriekafskeid, vertel vele matrieks aan Kelly Minnie.

Die regte matriekafskeid-metgesel is net so belangrik soos gemaklike skoene en ’n rok wat nie heelaand gaan afgly nie.

Riccardo Angileri en Twané Vorster van Hoërskool D.F. Malherbe in Port Elizabeth ken mekaar al van gr. 8 af en is ’n paartjie sedert gr. 9. Hulle was bang dat hulle nie die mooi einde van ’n matriekafskeid vir hul hoërskoolverhaal sou hê nie, maar tog, nadat al die ander planne vir matriek gekanselleer is, kon hulle steeds afskeid hou.

Riccardo Angileri en Twané Vorster van die Hoërskool D.F. Malherbe. Foto: Champagne Creations
Dylan Price en Kay-lee van Eeden van die Hoërskool Brandwag. Foto: 228photography
Rochelle Bothma en Jonathan Coetzee van die Hoërskool Centurion. Foto: Hendrik Grobbelaar
J.D. Lehmann en Karla Aust van die Hoërskool Montana. Foto: Mercia van Wico

“Hy het my uitgeneem vir ete by ons gunsteling-restaurant en my gevra of ek hom die gelukkigste ou sal maak en saam met hom matriekafskeid toe sal gaan,” vertel Twané.

Rochelle Bothma en Jonathan Coetzee gaan ook al uit vandat hulle in gr. 8 saam by die Hoërskool Centurion begin het. Rochelle het nog altyd gedroom van ’n stylvolle rok sonder kantjies en frilletjies en dat haar ouma dit sal maak, maar dat Jonathan so vroeg al in die prentjie sou wees, was ’n verrassing.

Jonathan Coetzee het ’n hemp laat druk om vir Rochelle Bothma matriekafskeid toe te vra.

“Min het ek geweet dat die gr. 8-seun wat my na die eerste sokkie in die hoërskool genooi het, ook my metgesel sou wees vir ons matriekafskeid. Hy het ’n hemp laat druk waarop daar staan ‘Rochelle, sal jy my metgesel wees na die matriekdans’ en die opsies was ‘Ja’, ‘Verseker, ja’ en ‘Flippen, natuurlik’, ” vertel Rochelle.

Kay-lee van Eeden en Dylan Price, ’n paartjie van die Hoërskool Brandwag in Benoni, moes ook al hul laaste herinneringe op skool prysgee, maar kon gelukkig ’n matriekafskeid saam geniet.

“Ons het toe darem ’n aand gehad wat ek nooit sal kan vergeet nie. Nie net omdat ek dit met iemand so spesiaal kon deurbring en dit ons laaste en een van ons enigste matriekherinneringe was nie, maar ook omdat ons klas van 2020 ná ’n baie vreemde jaar darem kan sê ons het ’n matriekafskeid gehad,” sê Dylan.

Meer oor:  Matriekafskeid  |  Covid-19
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.