Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Leef
Yulienke se kroon glinster van jongs af

Dit is skoonheidskompetisies se glinsterende krone wat Yulienke Jacobs (14) as klein meisie geïnteresseer het. Toe kry dié gr. 8-leerling aan die Hoërskool Witteberg in Bethlehem sommer op haar verjaardag een en wen ’n betaalde oorsese reis!

Yulienke is Sondag in Roodepoort as die algehele wenner van die Miss International Princess RSA-kompetisie gekroon en sal die land aanstaande jaar in New York verteenwoordig.

Sy het die kroon in die ouderdomsgroep 13 tot 15 jaar gespan en is toe uit die kategoriewenners as die algehele wenner aangewys.

“Dit was ’n vreeslike groot verjaardaggeskenk,” sê die tiener.

Sy het ’n lang pad gekom sedert sy as sesjarige meisie daardie krone op televisie gesien en besluit het sy wil aan skoonheidskompetisies deelneem.

Yulienke Jacobs is Sondag as algehele wenner van die Miss International Princess RSA-kompetisie aangewys. Foto: Thys Oosthuizen/Miss International Princess RSA
Yulienke Jacobs Sondag ten tyde van die Miss International Princess RSA-kompetisie. .Foto: Thys Oosthuizen/Miss International Princess RSA
Yulienke Jacobs Foto: Leon Wolmarans/Six Chambers Photography

Ná haar eerste kompetisie was sy in trane, want sy was tiende, dalk 11de, en dus kroonloos.

Sy het egter nie tou opgegooi nie en baie oor die jare verbeter, onder meer met behulp van modelklasse.

Nou ding sy sommer in talle kompetisies mee.

“Dit is beslis die lekkerste om al die nuwe mense te ontmoet en nuwe vriende te maak. En die kompetisie – ek hou van gesonde kompetisie,” sê Yulienke.

So bou sy ook selfvertroue op.

Haar ouers, Jacolien en Philip, en haar suster, Dané, bars van trots. Gelukwensings stroom ook uit die gemeenskap in.

Die Mej. SA- en Mej. Heelal-titel lê ook in haar visier en sy hoop om eendag ’n Victoria’s Secret-model te wees.

Yulienke geniet tennis en die Voortrekkers en wil ’n beroep as veeartsverpleegster navolg.

Meer oor:  Roodepoort  |  Bethlehem  |  New York
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.